Almatyda Naýryz merekesine oraı buryn-sońdy bolmaǵan aýqymdy mýzykalyq fleshmob ótip, bir mezette 11 500 oqýshy dombyra tartyp, Qazaqstan rekordyn jańartty, dep jazady Egemen.kz.
«Almaty Arena» muz saraıynda uıymdastyrylǵan «Dombyra úni» atty shara birneshe aılyq daıyndyqtyń nátıjesi boldy. Joba aıasynda 200-den astam mektep pen qosymsha bilim berý uıymdarynda birikken dombyra ansamblderi qurylyp, shamamen 1000 pedagog oqýshylardy ortaq qoıylymǵa daıyndady. Fleshmobqa 7-10 synyp oqýshylary qatysty.
Dımashtyń dombyrasy
Is-shara barysynda tek bir kúı ǵana emes, arnaıy ázirlengen mýzykalyq popýrrı oryndaldy. Baǵdarlamaǵa Tólegen Muhamedjanov pen Altynbek Qorazbaevtyń shyǵarmalary, Nurǵısa Tilendıevtiń kúıleri, sondaı-aq Qurmanǵazynyń «Balbyraýyn» kúıi zamanaýı óńdeýde engizildi. Qoıylym mazmuny zamanaýı tehnologııalarmen tolyqtyrylyp, jasandy ıntellekt negizinde arnaıy beınemazmun ázirlendi.
Dombyraǵa qushtar japon jigiti
Qazaqstan rekordtar kitabynyń sarapshylary fleshmob nátıjesin resmı túrde tirkep, qatysýshylar sany, oryndaý úılesimi men uzaqtyǵyn tekserdi. Nátıjesinde bul kórsetkish «Jappaı jetistikter» sanaty boıynsha jańa ulttyq rekord retinde tanyldy.
Ernat rekord ornatpaq
Bul bastama ulttyq ónerdi dáriptep qana qoımaı, jas býynnyń mádenı qundylyqtarǵa degen qyzyǵýshylyǵyn arttyrǵan taǵylymdy jobaǵa aınaldy.