EKSPO jáne óńirler

Jýyrda Jambyl oblysynyń taýar óndirýshileri taýarlaryn jetkizý múmkindigin talqylaý úshin «Astana EKSPO-2017» UK bas merdigerlerimen jáne basshylarymen kezdesti. «Jetkizýshilerge qoıylatyn basty talap – baǵa, sapa jáne jetkizý merzimi. Sonymen qatar, EKSPO-2017 kórmesiniń ıdeıa­­sy «Bolashaq energııasyna» sho­ǵyrlanǵandyqtan, jetkizý­shilerge qoıylatyn taǵy bir talap – bul taýarlardyń ekologııa­lyq qaýipsizdigi. Ekologııalyq qaýipsizdik týraly sertıfıkat básekege qabilettilik máselesinde úlken ról atqaratyn bolady», dep atap ótti óz sózinde «Astana «EKSPO-2017» UK basqarýshy dırektory – baǵa, satyp alýlar jáne jergilikti mazmun marketıngi jónindegi departament dırektory Anna Boeva. Júzdesý barysynda «Jam­bylgıps» AQ, «Azmına-Mra­mor» JShS, «Jambyl sement óndirý kompanııasy» JShS, «Araıstroımarket-2003» JShS basshylary óz ónimderiniń sapasy, óndiris kólemi jáne shyǵa­ry­lyp otyrǵan materıaldar­dyń artyqshylyqtary týraly aqparat berdi. «Jambylgıps» AQ gıps óndirýmen aınalysady, ózimizdiń karerimiz bar. Qazir táýligine 600 tonna gıps­ti óndire alatyn jańa zaýyt qurylysy aıaqtalýǵa jaqyn, ony 2016 jyly iske qosý jos­parlanýda. Gıps ekologııalyq taza ónim bolyp tabylady, ol janbaıdy jáne ýytty zattardy bólmeıdi, bul ekologııalyq qaýipsizdik talaptaryna jaýap beredi. Qazir biz 30 myń tonnadan asa qurǵaq qurylys qospany, gıpsokartonnyń 8 mln. sharshy metrin jáne 50 myń tonnaǵa jýyq gıps óndirip otyrmyz. 2016 jyldan bastap óndiris kólemi táýligine 600 tonna gıpsti quramaq, bul EKSPO-2017 nysandaryndaǵy árleý jumystaryn aıaqtaýǵa qajetti búkil kólemdi qamta­masyz etýge ábden jetedi», dedi «Jambylgıps» AQ saýda bóliminiń bastyǵy E.Shýkına. Sonymen qatar, kezdesýge qatysqan «Azmına-Mramor» JShS dırektory Rýslan Jet­pisbaev óz kásiporny óndiretin kók jáne jasyl mármárdiń biregeı qasıetteri jóninde tarqatyp aıtyp berdi. «Álemde jasyl jáne kók mármárdi óndiretin tek úsh ken orny bar, ol Úndistanda, Brazılııada jáne bizde óndirilip, óńdeledi. Negizinen, biz jeke tapsyrys berýshilermen jumys jasaımyz, alaıda qazir biz «Astana EKSPO-2017» UK-men ynty­maq­tasý týraly kelisimshartqa otyratyn bolsaq, biz respýblıkalyq deńgeıge shyǵatyn bolamyz», – dep atap ótti ol. Resmı bólimniń sońyna qaraı bas merdigerler men aımaqtyq jetkizýshiler jumysqa qatysty máselelerdi talqylap, iskerlik baılanystardy úzbeýge kelisti. 2015 jyldyń 26 mamyrynda «Astana «EKSPO-2017» UK jáne Jambyl oblysynyń ákimdigi oblystaǵy taýar óndirýshilerdi EKSPO-2017 Halyqaralyq ma­man­dandy­rylǵan kórmesiniń qurylysyna tartý týraly memo­randýmǵa qol qoıǵanyn eske salamyz. Osyndaı kezdesýler Pavlodar, Ońtústik Qazaqstan jáne Qa­raǵandy oblystarynyń kásip­oryndarymen de ótkizildi. «Egemen-aqparat».