Bıylǵy Naýryz meıramynda Almaty teatrlary «Qara jorǵa» bıiniń yrǵaǵymen toǵysty. Almatynyń betkeustar teatrlary kóktemniń kelgenin áıgileıtin mereke qarsańynda bir úıdiń balasyndaı «Qara jorǵa» bıledi.
Osynaý aýqymdy performansqa Almatydaǵy Natalııa Sas atyndaǵy teatr muryndyq boldy. Oǵan Mádenıet jáne aqparat mınıstrligi men Almaty qalasy ákimdigi qoldaý kórsetti.
Ǵalamat bı sherýine Ǵ.Músirepov atyndaǵy Qazaq memlekettik akademııalyq balalar men jasóspirimder teatry, M.Lermontov atyndaǵy Memlekettik akademııalyq orys drama teatry, Q.Qojamııarov atyndaǵy respýblıkalyq memlekettik akademııalyq uıǵyr mýzykalyq komedııa teatry, Respýblıkalyq memlekettik akademııalyq koreı mýzykalyq komedııa teatry, Respýblıkalyq akademııalyq nemis drama teatry da qosyldy.
Joǵarydaǵy teatrlardyń baǵyty men janry, shyǵarmashylyq mektepteri basqa bolsa da, «Qara jorǵa» bıiniń yrǵaǵy olardy birtutas merekelik sahnaǵa aınaldyrdy. Bul ári tarıhtan tamyr alǵan yntymaqtyń jarqyn nyshany ispetti ádemi áser qaldyrdy.
О́z kezeginde «Saltanat» memlekettik bı ansambli biregeı horeografııa ázirlep, fleshmobtyń kásibı deńgeıde ótýine úles qosty. Jobanyń júzege asýyna Almaty TV teleradıokompanııasy da erekshe yqpal etkenin atap ótken jón. Arna habar taratýshy ǵana emes, negizgi aqparattyq seriktes ári ıdeıalyq qoldaýshy retinde túsirilim jumysyn uıymdastyryp, medııalyq qoldaý kórsetti. Sonyń arqasynda merekelik kóńil kúıdi mıllıondaǵan kórermen ekran arqyly sezine aldy.
Erekshe toqtala ketetin taǵy bir jaıt, fleshmobqa qatysqan drama akterleri kásibı bıshilermen birge, nebári bir aptanyń ishinde dala bıin sheber meńgerip, mádenı muraǵa degen súıispenshiligin syıǵyza bildi.
ALMATY