Polısııa qyzmetkerleri tanymal brendterdiń taýarlaryn satý jelisimen baılanysty birqatar alaıaqtyq jasaǵan 33 jastaǵy er adamdy anyqtap, ustady, dep habarlaıdy Egemen.kz.
Tergeý málimetterine sáıkes, kúdikti aldyn ala oılastyrylǵan shema boıynsha áreket etken. Ol jalǵan senimhattar daıyndap, ózin Qazaqstan aýmaǵyndaǵy túrli brendterdiń resmı ókili retinde tanystyrǵan. Osy arqyly kásipkerlerge habarlasyp, olardyń qyzmetinde zańbuzýshylyqtar anyqtalǵanyn aıtyp, qorqytyp, aqsha talap etken.
Ol «máseleni sheship beremin» degen jeleýmen saýdagerlerden qarajat alyp, yqpal etý arqyly týyndaýy múmkin qıyndyqtardan qutqaratynyn aıtqan. Bir jaǵdaıda keltirilgen materıaldyq shyǵyn 300 myń teńgeden asqan.
Urlyq, bopsalaý, alaıaqtyq: Qaraǵandy oblysynda qylmystyq top ustaldy
Qazirgi ýaqytta osyǵan uqsas tórt derek tirkelgen. Jedel-izdestirý sharalary barysynda kúdiktiniń jeke basy anyqtalyp, ol turǵylyqty jerinde ustalyp, polısııaǵa jetkizildi.
Atalǵan fakti boıynsha sotqa deıingi tergeý amaldary júrgizilip jatyr. Quqyq qorǵaý organdary kásipkerlerdi saq bolýǵa, ózderin resmı ókil retinde tanystyrǵan adamdardyń ókilettigin muqııat tekserýge jáne kúmándi jaǵdaılar týyndasa, dereý polısııaǵa júginýge shaqyrady.