Almaty oblysynda soǵys ardagerleriniń esimin máńgilikke qaldyrý baǵytyndaǵy jumystar júıeli túrde jalǵasyp keledi. О́ńirde kóshelerge batyrlardyń atyn berý, tarıhı ádildikti qalpyna keltirý isi josparly túrde júzege asyrylyp jatyr, dep jazady Egemen.kz.
Almaty oblysy ákimdigi málimetinshe, ótken jyly Jeńistiń 80 jyldyǵyna oraı respýblıka boıynsha 500-den astam kóshege ardagerlerdiń esimin berý bekitilgen. Sonyń ishinde 154 usynys Almaty oblysynan túsip, óńirler arasynda kósh bastap tur. Qazirgi tańda 73 ardagerdiń esimi eldi mekenderdegi kóshelerge berilgen, al qalǵan 81 esim aldaǵy oblystyq onomastıkalyq komıssııa otyrysynda qaralady.
О́tken jyly oblysta 678 kóshege ataý berý jáne qaıta ataý jumystary júrgizilgen. Onyń 578-i onomastıkalyq komıssııada talqylanyp, qalǵan 100 kóshe ataýy 29 sáýirdegi otyrysta sheshimin tabady. Al 2026-2027 jyldarǵa arnalǵan Jol kartasyna sáıkes, óńirde 669 kósheni qaıta ataý kezeń-kezeńimen júzege asyrylady.
Qostanaıda 100 jastaǵy qart maıdanger daýys berdi
Ardagerlerdiń esimin ulyqtaý aldaǵy ýaqytta da mańyzdy baǵyttyń biri bolyp qala bermek. Máselen, Jeńistiń 85 jyldyǵyna oraı 116 ardagerdiń esimin dáripteý josparlanǵan. Sonymen qatar oblys aýmaǵynda soǵys ardagerlerine arnalǵan 154 memorıaldyq taqta ornatylǵan.
Onomastıka salasyndaǵy mańyzdy ózgeristerdiń biri – endi jekemenshik bilim berý uıymdaryna tulǵalardyń esimin berý nemese ataýyn ózgertý úshin oblystyq onomastıkalyq komıssııanyń mindetti kelisimi qajet. Bul talap «Til týraly» Zań aıasyndaǵy ózgeristerge sáıkes engizildi. Osyǵan baılanysty oblystyq til basqarmasy tıisti qurylymdarmen birlesip, jańa zań talaptaryn iske asyrý jumystaryn bastap ketti.
Qaraǵandylyq maıdangerge Qorǵanys mınıstriniń quttyqtaý haty tabystaldy