QARAǴANDY. 18 tamyz. Qaraǵandy oblysyndaǵy Ulytaý aýdanynda bes kıikti jaıratyp salǵan brakoner ustaldy. Bul týraly oblystyq ishki ister departamentiniń baspasóz qyzmeti habarlady.
Tabıǵatty qorǵaý polısııasy jáne «Ohotzooprom» mekemesiniń ókilderi birigip júrgizgen reıd nátıjesinde «Ýral» motosıkline kıik artyp alyp, japan dalada júıtkip bara jatqan brakoner qolǵa tústi. Tekserý barysynda Jańaarqa aýdanynyń 39 jasar turǵynynyń bes kıikti atyp alǵany anyqtaldy.
Osy oqıǵa boıynsha saraptama taǵaıyndalyp, qylmystyq kodekstiń 337-baby, 4-tarmaǵy boıynsha («Zańsyz ań aýlaý») sotqa deıingi tergeý amaldary júrgizilýde.
Qaırat Ábildınov.
Derek, sýret: Qaraǵandy oblystyq ishki ister departamentiniń baspasóz qyzmeti.