Jumysty joǵary biliktilikpen júrgizý mańyzdy

Keshe Memleket basshysy Nursultan Nazarbaev Ulttyq banktiń tóraǵasy Qaırat Kelimbetovti qabyldady, dep habarlady Prezıdenttiń baspasóz qyzmeti. Qabyldaý barysynda Q.Ke­limbetov eldiń qarjy sektory men bank júıesiniń ahýaly týraly baıandady. Nursultan Nazarbaev kúrdeli ekonomıkalyq jaǵdaıǵa baılanysty kóp nárse Ulttyq banktiń jumysyna, sondaı-aq, memlekettiń aqsha-nesıe saıasatyna táýeldi ekenin atap ótti. – Bıýdjet jaǵdaıynyń nasharlaýyna, barlyq eks­port­tyq taýarlarymyzǵa baǵa­nyń tómendeýine baılanys­ty ­Ul­t­­tyq banktiń óz jumysyn joǵa­ry biliktilikpen júrgizýi asa mańyzdy, – dedi Qazaqstan Prezıdenti. Al Ulttyq bank tóraǵasy bıylǵy qańtar men maýsym aralyǵy kezeńinde ınflıasııa 1,4 paıyzǵa teń bolǵanyn, bul rette jyldyq ınflıasııa 3,9 paıyzdy quraǵanyn aıtty. – Bul osy ýaqytqa deıingi eń tómen kórsetkish, ıaǵnı biz ­ınflıasııany 3-4 paıyz deń­ge­ıinde saqtaý jónindegi tapsyrmany oryndadyq. Bul oraıda, Ulttyq banktiń jıyntyq halyqaralyq rezervi 29 mıllıard dollar boldy. Salymdar birinshi jartyjyldyqta 2,3 paıyzǵa ulǵaıdy. Sonymen qatar, tólem merzimi 90 kúnnen asyp ketken qaryzdar úlesin azaıtý máselesi sheshildi, bu­ryn onyń kólemi 33 paıyz­ǵa jetken bolsa, qazirgi ýa­qyt­ta ol 9,98 paıyzǵa deıin tó­mendedi, – dedi Q.Kelim­betov. Memleket basshysy kezdesý qorytyndysy boıynsha birqatar naqty tapsyrmalar berdi.