ASTANA. 19 tamyz. О́tken túnde «Astana» ÝEFA Chempıondar lıgasy irikteý týrnıriniń pleı-off básekesindegi alǵashqy oıynyn oınady. Osy synda elordalyqtardyń qarsylasy Kıprdiń APOEL komandasy bolǵany belgili. Tartys matchtyń nátıjesinde «Astana» 1:0 esebimen jeńiske jetti. Bul týraly egemen.kz habarlady.
Kezdesý «Astana Arena» sport kesheninde ótti. Oıyndy alań ıeleri óte belsendi bastady. Tipti 4-mınýtta fýtbolshylarymyz qaýipti shabýyl uıymdastyryp, soqqy jasap úlgerdi. Foksı Ketevoamanyń bergen pasyn Baýyrjan Jolshıev qaqpaǵa baǵyttaǵan. Alaıda, dop nysanadan qıys ketti.
Matchtyń 13-mınýtynda alań ıeleri kózdegen maqsattaryna jetip, esep ashty. Goldyń avtory Jolshıev bolsa, oǵan nátıjeli pas shyǵaryp bergen Ketevoama ekenin aıta keteıik. Úziliske deıin esep ózgergen joq.
Ekinshi taım qonaqtardyń basymdyǵymen ótti. Negizinen qorǵanysqa mán berip, qarymta shabýyldarǵa ǵana ıek artqan «Astana» qarsylastaryna erkin oınaýǵa múmkindikter berip qoıdy. Abyroı bolǵanda, Kıprden kelgen oıynshylar bizdiń qaqpadan sańylaý taba almady. Osy rette keıbir jaǵdaıda bizge sáttiliktiń joldas bolǵanyn nazarǵa alýymyz kerek.
Nátıjesinde oıyn sońyna deıin 1:0 esebi saqtalyp, bolgar mamany Stanımır Stoılov jattyqtyratyn komandamyz jeńiske jetti. Endi 26 tamyzda qos qarsylas Kıprde qarymta kezdesý ótkizedi.
Oıyn barysyndaǵy keıbir statıstıkalyq kórsetkishterge nazar aýdaraıyq. Dopqa ıelik etý nátıjesi boıynsha qonaqtar alda boldy (61% – 39%). Sondaı-aq, qaqpaǵa jasalǵan soqqylar sany jóninen de APOEL basym tústi (12 – 13). Onyń ishinde nysanaǵa dál baǵyttalǵany boıynsha kórsetkish «Astananyń» paıdasyna 6 – 2.
ÝEFA Chempıondar lıgasy. Irikteý týrnıriniń pleı-off básekesi.
«Astana» (Astana, Qazaqstan) – APOEL (Nıkosııa, Kıpr) 1:0 (1:0)
18 tamyz. Astana. «Astana Arena» sport kesheni. 30 000 kórermen.
Tóreshiler: Vıktor Kashshaı, Derd Rıng, Vensel Tot (bári de – Vengrııa).
«Astana»: Nenad Erıch, Evgenıı Postnıkov, Marın Anıchıch, Branko Ilıch, Dmıtrıı Shomko, Foksı Ketevoama (Serikjan Mujyqov 90+2), Nemanıa Maksımovıch, Roher Kanıas, Tańat Nóserbaev (Jýnıor Kabananga 68), Georgıı Jýkov (Abzal Beısebekov 85), Baýyrjan Jolshıev.
APOEL: Boı Vaterman, Karlaý, Marıý Serjıý, Marıos Antonıades, Inıakı Astıs, Nýný Moraısh, Georgıos Efrem (Semır Shtılıch 63), Konstantınos Makrıdıs (Pıeros Sotırıý 85), Nektarıos Aleksandrý (Mateýsh Pentkovskı 46), Tomas Sebastıan de Vınsentı, Lýıs Leal.
Gol: Baýyrjan Jolshıev 13.
Eskertýler: Dmıtrıı Shomko 78 – Tomas Sebastıan de Vınsentı 14.
Elaman Qońyr.
Derek: egemen.kz.
Sýret: sports.kz.