ALMATY. 15 mamyr. Osy aptanyń alǵashqy kúni Almatyda bastalǵan «Qaıyrshy» aksııasy mamyr aıynyń 21-ne deıin jalǵasady. Shara barysynda jeńil júristi 100 qyz ákimshilik jaýapkershilikke tartyldy. Bul týraly QazAqparat habarlady.
Polısııa qyzmetkerleri bir apta ishinde Qazaqstan Respýblıkasy Ákimshilik quqyq buzýshylyq týraly kodeksiniń 449-babyna sáıkes barlyǵy 765 adamdy jaýapkershilikke tartty. Bir ǵana Seıfýllın kóshesi boıyndaǵy qoǵamdyq oryndarda turǵyndar men qala qonaqtarynyń mazasyn alǵany úshin 122 boıjetken ákimshilik jaýapkershilikke tartyldy. Olardyń ishindegi 101 jeńil júristi qyzǵa jalpy somasy 1 mıllıon teńge kólemde aıyppul salyndy.
Quqyq qorǵaýshylardyń júrgizgen profılaktıkasy kezinde júrginshilerge taýaryn tyqpalaǵan adamdar men qaıyrshylar da jaýapkershilikten syrt qalmady. Aıyppul salynǵandar arasynda Qyrǵyzstannan kelgen jeńil júristi kelinshek te bar. Ol sot sheshimimen Qazaqstan aýmaǵynan shyǵaryldy.
Talǵat Súıinbaı.
Derek, sýret: QazAqparat.