ASTANA. 15 mamyr. Qazaqstannyń burynǵy premer-mınıstri Serik Ahmetovtiń úı qamaqtaǵy merzimi osy jyldyń 18 maýsymyna deıin uzardy. Bul týraly Qaraǵandy qalasy Qazybek bı aýdandyq sotynyń baspasóz qyzmeti habarlady.
Atalǵan sottyń baspasóz hatshysy Álııa Josheva bul jóninde: «Búgin sýdıa Erkesh Máýken Serik Ahmetovtiń úı qamaqtaǵy merzimin 2015 jyldyń 18 maýsymyna deıin uzartý týraly qaýly shyǵardy», – dedi.
Aıta keteıik, burynǵy sheneýnikke iri kólemde memleket qarajatyn jymqyrdy jáne para aldy, qyzmetin asyra paıdalandy, sondaı-aq, zańsyz kásipkerlikpen aınalysty degen kúdik negizinde Qylmystyq kodekstiń 4-baby boıynsha 6 qylmystyq aıyp taǵylýda. Soǵan sáıkes, 2014 jyldyń 19 qarashasynan 2015 jyldyń 18 aqpanyna deıin úı qamaqqa alyndy. Keıin úı qamaq merzimi 2015 jyldyń 18 sáýirine jáne 18 mamyryna deıin eki ret uzartyldy.
Elaman Qońyr.
Derek: Qaraǵandy qalasy Qazybek bı aýdandyq sotynyń baspasóz qyzmeti.
Sýret: zakon.kz.