ALMATY. Qalalar arasyndaǵy álemdik reıtıng jasaý barysynda turmys sapasynyń dárejesi jaǵynan Almaty qalasy úzdik «júzdiktiń» ishine kirdi. Economist Intelligence Unit (EIU) zertteý kompanııasy qyzmetkerleriniń zertteýlerine negizdelgen kórsetkishterdiń jıyntyǵyn – turaqtylyq, densaýlyq saqtaý júıesi, mádenıet pen qorshaǵan orta, bilim men qaladaǵy ınfraqurylym salasynyń málimetteri qurady. Bul týraly Herald Sun habarlady.
Tizimge barlyǵy 140 qala kirgenimen, onyń 100-i joǵary baldyq kórsetkishke ıe boldy. Bul oraıda Almaty 100 qalanyń ishinde densaýlyq saqtaý men mádnıette ınfroqurylymdyq damý men qorshaǵan ortanyń áseri, sondaı-aq, turaqtylyq saqtaýda barlyǵy 55,7 men 75 baldyń arasynda upaı jınaǵan.
Barlyǵy 97,5 ballmen Melbýrn qalasy (Avstralııa) kósh bastady. Eń úzdik bes qalalardyń qataryn 97,5-ten 96,6-ǵa deıin ball jınaǵan Vena (Avstrııa), Vankýver men Toronto (ekeýi de Kanada), Adelaıda (Avtralııa) túzedi.
Almatydan artta qalǵan qalalardyń ishinde Baký (103 oryn – 62,3 ball), Tashkent (116 oryn –54,6 ball), Kıev (132 oryn – 43,4 ball) bar.
KSRO-nyń burynǵy astanasy Máskeý qalasy 72,8 balldyq kórsetkishpen 81 orynda tur.
Kórsetkish qorytyndysynda Almaty qalasynyń týrıster úshin qymbat qala ekeni de atap ótilgen.
Talǵat Súıinbaı.
Derek: Herald Sun.
Sýret: egemen.kz.