QYZYLORDA. 19 tamyz. Qyzylorda oblystyq ishki ister departamenti kóshi-qon polısııasy qurylymdarynyń qyzmetkerleri sheteldikterdiń quqyqtaryn saqtaı otyryp, olar tarapynan oryn alǵan zań buzýshylyqtardy der kezinde anyqtap, tıisti shara kórý maqsatynda birshama nátıjeli jumystar atqarýda. Bul týraly egemen.kz tilshisi habarlady.
Jalpy jyl basynan beri oblys aýmaǵyna túrli maqsattarmen kelgen 21331 shetel azamaty ýaqytsha tirkeýge alyndy.
Sheteldikterdiń Qazaqstan Respýblıkasynda bolý, kelý-ketý erejelerin saqtaý jaǵdaıyna júrgizilgen arnaıy sholý barysynda kóshi-qon zańnamasyn buzýdyń 4134 deregi anyqtalyp, olardyń barlyǵy ákimshilik jaýapkershilikke tartyldy. Zańnama talaptaryn buzǵan TMD elderiniń 248 azamaty sot sheshimimen respýblıka aýmaǵynan alastatyldy.
Atalǵan jumystar ári qaraı óz jalǵasyn taýyp, shetel azamattarymen oryn alatyn zańnama talaptaryn oryndamaý derekteriniń aldyn alý maqsatynda tıisti túsindirme jumystary júrgiziletin bolady.
Erjan Baıtiles.
Derek: egemen.kz.
Sýret: QazAqparat.