Amerıkada ǵalymdar paraqtary zııandy bakterııalar men qospadan sýdy tazartýǵa qabiletti, ıaǵnı súzgish rólin atqaratyn kitap basyp shyǵardy.
Tipti, olar zamanaýı tehnologııa úlgisiniń ataýyn «aýyzsý kitabynyń» paraqtary dep atap ta úlgerdi. Bir qyzyǵy, paraqtar sýdyń quramyndaǵy kúmistiń nanobólshegi nemese mys bakterııalardy joıady. Ekinshi jaǵynan onda sýdy ne úshin, qalaı tazartýǵa bolatyny jaıly tyń aqparattar jazylǵan.
Ǵalymdar: «Kitaptyń bir paraǵyn jyrtyp alyp, ony súzgish qondyrǵyǵa tóseıdi de, ózen, qudyq, bulaq bolsyn kez kelgen kózden alynǵan sýdy quıady. Nátıjesinde sý tazaryp, bakterııalar joıylady», – deıdi. Sondaı-aq, olar bir qaǵazben 100 lıtr sýdy tazartýǵa bolady dep otyr. Demek, ónertapqyshtardyń aıtýynsha, bir kitap shamamen tórt jylǵa jetedi.
Aıta keteıik, synaq retinde tazartylǵan sýda bakterııalar 99 paıyz joıylatyny anyqtaldy. Al kóp jaǵdaıda adam aǵzasyna zııandy mıkrobtar súzgiden ótken sýda múldem qalmaıtyn kórinedi.
Talǵat RAIYMBEK.