Batysqa bet alǵan kerýen

«Meniń Qazaqstanym» poıyzy Batys óńirin aralaýdy bastady

HROMTAÝ. 29 naýryzda «Meniń Qazaq­stanym» poıyzy Aqtóbe oblysynyń Hromtaý qa­lasyna kelip toqtady. Vokzal basy yǵy-jyǵy halyq. Ədemi əýen əýelep tur. Bul jerde de ədettegideı jalyndy sózder aıtyldy. Aqjarylqap tilekter aqtaryldy. Hromtaý halqy atynan aýdan əkimi Aıazbaı Osmanəlıev quttyqtaý sóz sóılese, poıyz «jolaýshylary» atynan Ǵazız Telebaev óz rızashylyǵyn bildirdi. «Meniń Qazaqstanym» poıyzy arnaıy daıyndalǵan jerlerde qoǵamdyq qabyldaýlar ótkizip, onda turǵyndarǵa medısınalyq, əleýmettik, quqyqtyq, sondaı-aq, aýylsharýashylyq jəne kəsipkerlik salalar boıynsha konsýltatıvtik qyzmet kórsetti. Bul məseleler boıynsha 83 azamat qabyldaýda bolyp, ózderine tıisti qanaǵattandyrarlyq jaýap aldy. Sondaı-aq, 200-ge tarta adamǵa dərigerlik kómek kórsetildi. «Halyqqa qyzmet kórsetý ortalyǵy» RMK qyzmetkeri Əlibek Esenqulov ózderiniń jumysy týraly bylaı dedi: «Búgingi kúnge deıin aldymyzǵa talaı azamattar óz suraqtarymen kelgen bolatyn. Al Hromtaýda keńes surap aýdan əkimi Aıazbaı Osmanəlıevtiń ózi keldi. Ol ózi basqarǵan aýdanda halyqqa qyzmet kórsetý sapasyn jaqsartý úshin HQO-ǵa arnalǵan ıntegrasııalanǵan aqparattyq júıe baǵdarlamasyn ornatý týraly usynysyn aıtty. Men ol kisige monıtorıng baǵdarlamasyn ornatýdy usynyp, ol úshin Investısııalar jəne damý mınıstrligine hat jazý kerektigin túsindirdim». Ə.Esenqulovtyń aıtýynsha, búgingi kúni HQO qyzmetine memlekettik qyzmettiń taǵy 35 túri joba retinde qosy­lyp otyr. Keshke Hromtaý jurt­shy­lyǵy Mədenıet úıiniń aldyndaǵy alańda astanalyq ənshilerdiń konsertin tamashalady. AQSAI. Batys Qazaqstan ob­lysyndaǵy Bórli aýdanynyń orta­lyǵy – Aqsaı qalasyna «Me­niń Qazaqstanym» poıyzy dit­tegen ýaqytynan səl keshi­giń­kirep jetti. Sebebi, Hromtaýdan shyqqan jol Reseıdiń Ilesk stansasy arqyly ótetini belgili. Degenmen, eki el arasyndaǵy shekarada eshqandaı problema bola qoıǵan joq. Asyǵys kelgen astanalyqtardy Aqsaı jurty kóterińki kóń­il-kúımen qarsy aldy. – «Qara­shy­ǵanaq ken ornymen aty əlemge əıgili Aqjaıyq óńirindegi óndiristi qala – Aqsaı kóptegen urpaq ókilderine meken bolǵan Bórli aýdanynyń ortalyǵy, – dedi aýdan əkimi Marat Túsipqalıev. – Qazaqstan halqy Assam­bleıa­synyń jylyna arnalǵan «Meniń Qazaqstanym» poıyzynyń bizdiń óńirge arnaıy baǵdarlamamen kelýi biz úshin úlken qurmet. El basshylyǵy ərdaıym ultaralyq tatýlyqty saqtaı otyryp, ult pen ulysqa bólinbeı, birligimiz jarasqan el bolýǵa shaqyrady. Kópultty elimiz sııaqty, bizdiń aýdanymyz da birligi men yntymaǵy jarasqan túrli ult ókilderiniń dostyq mekenine aınalyp otyr. Barlyq salada eńbek etip júrgen túrli ult ókilderi aımaǵymyzdyń kórkeıýine súbeli úles qosyp keledi...». Bórli aýdanynyń əkiminen keıin sóz alǵan sheshenderdiń sózderi «Birlik bar jerde tirlik bar, teńdik bar jerde eldik bar» degen danalyqqa shaqyrǵandaı boldy. Bórli aýdany týraly birer sóz aıtatyn bolsaq, ústimizdegi jyly 80 jyldyǵyn toılaǵaly otyrǵan aýdannyń negizi 1935 jyly qurylypty. 2012 jyly Qazaqstan Úkimetiniń qaýlysymen Aqsaı qalasy monoqalalar tizimine engen. Munyń ózi qalanyń əleýmettik-ekonomıkalyq damýyna ıgi yqpalyn tıgizgen. «Meniń Qazaqstanym» poıy­zy­nyń Aqsaı qalasyndaǵy jumy­sy sətti bastalyp, sətti aıaqtal­dy. Osy kúni «Meniń elim – Məńgi­lik El» sýret-kitap kórmesi uıym­das­tyryldy. Qoǵamdyq kelisim keńesiniń qabyldaýynda 35 adam boldy. Quqyqtyq jəne əleýmettik məseleler, kəsipkerlik jəne aýyl sharýashylyǵy məseleleri boıynsha 53 adamǵa keńes berildi. Dəri­gerlerdiń qabyldaýynda 135 adam bolyp, olarǵa tıisti medısınalyq jərdem kórsetildi. Keshqurym «Meniń Qazaq­stanym» poıyzynyń ərtisteri Aqsaı jurtshylyǵyna úlken kon­serttik baǵdarlama usyndy. Sharafaddın ƏMIROV, «Egemen Qazaqstan». Aqtóbe jáne Batys Qazaqstan oblystary.