О́tken senbide Ortalyq saılaý komıssııasynyń otyrysynda Qazaqstan Respýblıkasy Prezıdentiniń kezekten tys saılaýyna shet memleketter men halyqaralyq uıymdardyń baıqaýshylaryn akkredıtteý týraly qaýly qabyldandy.
Halyqaralyq uıymdar men sheteldik baıqaýshylardy akkredıtteý jónindegi qaýlyny daýysqa salǵan otyrysta Syrtqy ister mınıstrliginiń usynýy boıynsha 9 shet memleket pen 1 halyqaralyq uıymnan 48 baıqaýshy OSK tarapynan tirkeldi. Olardyń tórteýi – Norvegııa Koroldiginen, úsheýi – Avstrııa Respýblıkasy men Serbııa Respýblıkasynan, Bolgarııadan jáne Lıtva Respýblıkasynan eki-ekiden, al Ulybrıtanııa men Soltústik Irlandııa Birikken koroldiginen, Vengrııa, Latvııa, Slovakııadan bir-birden, sonymen qatar, 18 memleketten EQYU/DIAQB Mıssııasynyń 30 baıqaýshysy akkredıtteldi.
Otyrystan keıin bolǵan brıfıngte OSK múshesi Marat Sársembaev jýrnalısterge osy jolǵy prezıdenttik saılaýǵa myńǵa jýyq sheteldik baıqaýshy qatysatynyn aıtty.
«EQYU/DIAQB Baıqaýshylary mıssııasynyń basshysy Kornelııa Ionker keminde 400 baıqaýshy jiberetindigin aıtyp otyr. TMD mısssııasy da óz baıqaýshylarynyń 400-ge jýyqtaıtyndyǵyn málimdedi», – degen Marat Sársembaev sheteldik baıqaýshylar tarapynan qujattar kelip jatqanyn jetkizdi.
Al 2015 jylǵy 30 naýryzdaǵy jaǵdaı boıynsha Ortsaılaýkom halyqaralyq uıymdardyń úsh Mıssııasy (EQYU/DIAQB, TMD jáne ShYU) men 19 shet memleketten 236 baıqaýshyny akkredıttedi.
Sonymen qatar, Qazaqstan Respýblıkasynyń Syrtqy ister mınıstrligi 19 memleketten buqaralyq aqparat quraldarynyń 98 ókilin akkredıttedi.
Shet memleketter men halyqaralyq uıymdardyń baıqaýshylaryn akkredıtteýdi Ortsaılaýkom 2015 jylǵy 20 sáýirge deıin júrgizedi.
Anar TО́LEÝHANQYZY,
«Egemen Qazaqstan».