ASTANA. 24 tamyz. Astanadaǵy Qazaqstan fýtbol federasııasynyń keńsesinde fýtbol ortalyqtary dırektorlarynyń qatysýymen jıyn ótti. Basqosýǵa federasııanyń bas hatshysy Azamat Aıtqojın, balalar jáne jasóspirimder fýtboly departamentiniń dırektory Sergeı Kenetaev, Kásipqoı fýtbol lıgasynyń sport dırektory Pavel Demıan jáne aımaqtyq fýtbol ortalyqtarynyń 7 tehnıkalyq dırektory qatysty. Bul týraly Qazaqstan fýtbol federasııasynyń baspasóz qyzmeti habarlady.
Federasııanyń bas hatshysy ortalyqtardy qurýdy jáne olardyń jumys isteýiniń mańyzdylyǵyn atap ótti. О́z kezeginde tehnıkalyq dırektorlar fýtbol ortalyqtary men klýbtar jumysynyń arasyndaǵy qıyndyqtarǵa jáne ınfraqurylym máselelerine toqtaldy. Ortalyqtardyń tolyqqandy jumysyna qatysty ózge de máseleler sóz boldy.
Jıyn qorytyndysy boıynsha fýtbol ortalyqtarynyń jetekshisi bolyp Vladımır Belıavskıı taǵaıyndaldy. Sonymen qatar, ortalyqtyń tıimdiligin arttyrýǵa jáne kásibı fýtbolshylar daıarlaýǵa kómektesetin biryńǵaı qujat qabyldanýy tıis.
Aıta ketý kerek, fýtbol ortalyqtary 2012 jyldan bastap ashylyp keledi. Qazirgi tańda elimizdiń 14 qalasynda 14 osyndaı ortalyq jumys isteıdi. Aldaǵy ýaqytta Aqtaý men Petropavl qalalarynda da ashylmaqshy.
Elaman Qońyr.
Derek, sýret: Qazaqstan fýtbol federasııasynyń baspasóz qyzmeti.