ASTANA. 25 tamyz. Memleket basshysynyń qatysýymen ótetin aldaǵy is-sharalar ańdatpasy belgili boldy. Bul týraly akorda.kz habarlady.
26 tamyzda Pákstan Islam Respýblıkasynyń premer-mınıstri Navaz Sharıf Qazaqstanǵa resmı saparmen keledi. Sapar barysynda ekijaqty kelissózder ótip, birqatar qujatqa qol qoıylmaq.
27 tamyzda Nursultan Nazarbaevtyń TMD elderi men ShYU-ǵa múshe memleketterdiń bas prokýrorlarymen kezdesýi josparlanǵan. Qazaqstan Prezıdenti sondaı-aq osy kúni MAGATE bas dırektory Iý.Amanony jáne AQSh-tyń burynǵy senatory S.Nanndy qabyldaıdy.
Al 28 tamyzda Elbasy Qazaqstanǵa resmı saparmen keletin Serbııa prezıdenti Tomıslav Nıkolıchpen kezdesedi. Sonymen qatar, osy kúni Memleket basshysynyń el Konstıtýsııasynyń 20 jyldyǵyna arnalǵan halyqaralyq konferensııaǵa qatysýy josparlanýda.
Aıdar О́risbaev.
Derek, sýret: akorda.kz.