ALMATY. 25 tamyz. Mark Mýdı – Amerıka Qurama Shtattarynyń Almatydaǵy jańa konsýly qyzmetine kiristi. Bas konsýldyń qyzmet aıasyna sonymen qatar Almaty, Jambyl, Ońtústik Qazaqstan jáne Qyzylorda oblysynyń aýmaǵy kiredi. Bul týraly egemen.kz habarlady.
Mark Mýdı – AQSh Memlekettik departamentine dıplomatııalyq qyzmetke 1995 jyly keldi. Buǵan deıin Latvııadaǵy AQSh elshiliginiń ákimshilik isteri jóninen keńesshi bolǵan. Moldavııa, Grýzııa, Horvatııa men Gabonda amerıkalyq elshilikterde qyzmet atqardy.
Mark Mýdı – Nıýport qalasyndaǵy (Rod-Aılend shtaty) áskerı-teńiz kolledjin úzdik bitirgen. Odan soń Garvard ýnıversıtetin Fýlbraıt stıpendııasymen támamadaǵan.
Úılengen, eki balasy bar.
Talǵat Súıinbaı.
Derek, sýret: egemen.kz.