Áleýmettik jaýapkershilikti arttyrýǵa shaqyrdy

Keshe Qazaqstan Respýblıkasy Premer-Mınıstriniń orynbasary Berdibek Saparbaev jumys saparymen Almaty oblysyna bardy. Taldyqorǵanda Memleket bas­shysynyń tapsyrmalaryn jú­zege asyrý aıasynda Vıse-pre­merdiń tóraǵalyǵymen óńir­ara­lyq keńes ótti, onyń barysynda «Týǵan jerge taǵzym» aksııasy qorytyndylandy. Aǵymdaǵy jyly Almaty oblysynda baıqaýǵa jalpy somasy 3 mlrd. teńgeden astam jeke ınvestısııalarǵa 232 áleýmettik joba usynyldy. Keńesti qorytyndylaǵan B.Saparbaev kásipkerlikti da­my­­týǵa keń perspektıvalar men tartym­dy bıznes ahýaldyń bar eken­digin atap ótti. Ol bıznestiń áleý­mettik jaýapkershiligin artty­rýdyń mańyzdylyǵyna nazar aýdaryp, kásipkerlerdi mem­lekettik-jekemenshik serik­testikti damytýǵa arnalǵan múm­kindikterdi belsendi paıdalanýǵa shaqyrdy. B.Saparbaev «Zhersu» IО́K» kom­panııasyn mysal retinde kel­tirdi. Bul kompanııa óz qara­­jaty esebinen (600 mln. teńge­den astam) Lepsi aýylynda sport­tyq mektep-ınternat, sport ke­she­nin, tigin sehyn, fızıka-mate­matıkalyq beıimdi lıseı-ınternatyn, saıa­baq, kınoteatr jáne Jylandy aýyly­nyń pedagogtaryna arnap 11 úı salǵan. Budan ózge, «Týǵan jerge­ taǵ­zym» aksııasy aıasynda ústi­miz­degi jyldyń 5 aıynda oblysta 21 balabaqsha (salynǵan ınvestısııa 400 mln. teńgeden asty) ashyldy jáne jyl sońyna deıin taǵy 47-sin ashý jos­parlanyp otyr. Vıse-premer, sondaı-aq, ob­lystyq kardıologııalyq ortalyqty, 54 mln. teńgeniń jeke qarajaty esebinen salynǵan «Alen» balabaqshasyn aralap, Taldyqorǵannyń áleýmettik nysandarynyń qyzmetimen tanysty. Servıs jáne tehnologııa­lar kolled­jin aralaý barysynda B.Saparbaev áleýmettik sala basshylarynyń qatysýymen jıyn ótkizdi. Onda ózekti máse­leler talqylandy jáne óńirdiń odan ári áleýmettik damýynyń basym­dyqtary anyqtaldy. Vıse-premer azamattardyń ál-aýqatyn arttyrýǵa, sondaı-aq, 5 ınstıtýttyq reformany júzege asyrýǵa arnalǵan barlyq resýrstar men múmkindikterdi paıdalanýǵa qatysty Memleket basshysynyń tapsyrmalaryn iske asyrýdyń mańyzdylyǵyna basa nazar aýdardy. Jıyndy qorytyndylaǵan B.Saparbaev Elbasynyń alǵa qoıǵan mindet­te­rin júzege asyrý boıynsha bir­qa­tar naqty tapsyrmalar berdi. Sapary barysynda Vıse-premer, sondaı-aq, «Nurly Jol» baǵdarlamasy boıynsha salynǵan turǵyn úı keshenderin qarap shyqty. Tekeli qalasynda B.Saparbaev qarttar men múgedekterge arnal­ǵan medısınalyq-áleýmettik meke­meniń jumysymen tanysyp, monoqalalardy damytý baǵdarla­masy aıasynda jóndeýden ótken balalar men jasóspirimder týrızmi men ólketaný ortalyǵyn aralady. Úkimet basshysynyń orynbasary jumys sapary­nyń sońynda Te­kelidegi qoǵam ókilderimen kezdesip, onda elimizde ótki­zilip jatqan áleýmettik reformalar týraly aıtyp, qala tur­ǵyndarynyń saýaldaryna jaýap ber­di, dep habarlady Premer-Mınıstrdiń baspasóz qyzmeti.