ALMATY. 2 shilde. Halyqaralyq esirtkimen kúres kúni qarsańynda megapolıste «Biz esirtkige qarsymyz» atty aksııa ótip, oǵan Almaty qalasynyń 500-ge tarta jetkinshegi tartyldy. Bul týraly egemen.kz habarlady.
Uıymdastyrýshylar «Femily» saıabaǵynda ótken aksııanyń balalar úshin barynsha qyzyqty ótýine kúsh sala otyryp, jastyqtyń julynqurty bolǵan esirtkiniń zııany men kesiri jaıly aqparattar taratty.
Qala balalaryn qyzyqtyrǵan aýqymdy sharanyń barynsha nátıjeli bolýyna Almaty qalalyq salamatty ómir saltyn qalyptastyrý ortalyǵy da at salysyp, jetkinshekterge esirtkiniń qasiretti saldarlary týraly AQSО́SQO dırektory Galına Býlygına men qalalyq esirtkimen kúres basqarmasy bastyǵynyń orynbasary Murat Ybraev áńgimelep berdi.
Estrada jáne sırk ónerpazdary qatysqan aksııanyń arqan tartý, qol kúrestirý, kir tasyn kóterý sııaqty jarystaryna saıabaqqa serýendeýge kelgen turǵyndar da qosylyp, sol arada ótken kishigirim baıqaýlardyń estelik syılyqtaryna ıe boldy. Sndaı-aq, aksııada arnaıy mamandar jetkinshekke esirtki tutynyp kórý usynylǵanda, ózin qalaı ustaý kerektigin oıyn túrinde ótkizdi. Bul oıynǵa estrada artısteri de qatysyp, balalarmen birge zııandy áreketten ózin qalaı aýlaq ustaý kerektigine qatysty ómir sabaǵyn aldy.
Densaýlyq lotereıasy oınatylǵan sharada bı óneri boıynsha master-klasstar uıymdastyrylyp, Halyqaralyq esirtkimen kúres kúnine arnalǵan plakattar konkýrsynyń jeńimpazdary anyqtaldy.
Aınash Esalı.
Derek, sýret: egemen.kz.