ASTANA. 2 shilde. «Atameken» Qazaqstan Kartasy» etno-memorıaldyq kesheninde Qyzylorda oblysynyń ákimi Qyrymbek Kósherbaevtyń qatysýymen jańadan boı túzegen Qyzylorda oblysy maketteriniń tusaýkeseri ótedi. Shara barysynda merekelik konsert qoıylady. Bul týraly etno-memorıaldyq keshenniń baspasóz qyzmeti habarlady.
Bıyl Qyzylorda oblysy basshylyǵynyń qoldaýymen «Atameken» Qazaqstan Kartasy» etno-memorıaldyq keshenine 14 jańa maket qoıyldy.
Endi «Baıqońyr» ǵarysh aılaǵyn, kıeli meshitter men mavzoleılerdi, sondaı-aq Syr óńirinde ornalasqan ózge de kóptegen mádenı muralarymyzdy «Atameken» etno-memorıaldyq kesheninen kórýge bolady.
Esterińizge sala keteıik, keshende Qazaqstan Halqy Assambleıasynyń 20 jyldyǵyna oraı 20 túrli halyqtyń ulttyq úıleri qoıylǵan bolatyn. Etno-memorıaldyq keshende elimizdiń jáne sheteldiń 500-den astam belgili muralarymen tanysýǵa bolady.
Aıdar О́risbaev.
Derek: «Atameken» Qazaqstan Kartasy» etno-memorıaldyq kesheniniń baspasóz qyzmeti.
Sýret: astana.kz.