ASTANA. 21 mamyr. Qyrǵyzstan prezıdenti Almazbek Atambaev respýblıkanyń Eýrazııalyq ekonomıkalyq odaqqa qosylýy jónindegi halyqaralyq kelisimderdi bekitý týraly zańǵa qol qoıdy. Bir kún buryn atalǵan zań jobasyn Qyrǵyzstan parlamenti maquldaǵan. Bul týraly RIA «Novostı» habarlady.
Qujat Odaqqa kirý sharttary bekitilip, kelisimshart pen eki hattamanyń kúshine ený tártibi kórsetilgen negizgi bólimnen turady. Al ekonomıkalyq odaqqa Qyrǵyzstan is júzinde EAEO-ǵa múshe barlyq elderdiń ishki bekitý rásimderi aıaqtalǵannan keıin kiretin bolady.
Qyrǵyzstan ekonomıkalyq odaqqa qosylý jónindegi kelisimshartqa ótken jyly jeltoqsan aıynda qol qoıǵan bolatyn. 8 mamyrda EAEO elderiniń basshylary kelisimshartqa negizdelgen hattamalarǵa qol qoıdy.
Esterińizge sala keteıik, sáýir aıynda Reseı Memlekettik dýmasynyń tóraǵasy Sergeı Naryshkın Eýrazııalyq ekonomıkalyq odaqpen erkin saýda aımaǵyn qurýǵa 40-qa jýyq eldiń qyzyǵýshylyq bildirip otyrǵanyn málimdedi.
Aıdar О́risbaev.
Derek, sýret: ria.ru.