Astana kúnine oraı, elorda ákimdigi jáne Tilderdi damytý basqarmasynyń qoldaýymen «Jastar úni» aksııasy ótkizildi.
Is-sharanyń maqsaty − eliniń bolashaǵy óz qoldarynda ekenin jas urpaqtyń sanasyna sińirý, jastar arasyndaǵy birlikti nyǵaıtý arqyly qazaq tiliniń mártebesin arttyryp qana qoımaı, qoldanys aıasyn keńeıtý. Qazaqtyń tól mádenıetiniń jańǵyrýyna septigin tıgizetin bul jobanyń jastar arasyndaǵy salmaǵy zor bolyp otyr.
«Táýelsizdigimizdiń sımvoly ispetti bolǵan Astana barlyq jetken jetistikterimizdiń kórsetkishine aınaldy. Ol tek ásem ǵımarattarmen shektelmeıdi, ol boıymyzdaǵy otanshyldyǵymyz ben qazaqı rýhymyzdy, tilimiz men dástúrimizdi qurmet tutýymyzda. Árbir qazaqtyń boıynda osyndaı qasıetter tunyp turǵanda táýelsizdigimiz máńgi baıandy bolady», deıdi ónerli órel, qoǵam qaıratkeri Bekbolat Tileýhan shara barysynda.
Jyl saıynǵy dástúrge aınalǵan bul is-sharada «Dombyra keshi» uıymdastyrylyp, jastar arasynda ulttyq óner ulyqtaldy. Sonymen qatar, Qazaqstannyń tanymal estrada juldyzdary ashyq aspan astynda óner kórsetip, mereke qarsańynda kópshilikke tamasha kóńil kúı syılady.
Dınara DOSPAN.