Parlament Májilisi Tóraǵasynyń orynbasary Sergeı Dıachenko Qazaqstandaǵy elshilik qyzmetin aıaqtaıtyn Polshanyń Tótenshe jáne ókiletti elshisi Iаsek Klıýchkovskımen kezdesti, dep habarlady Májilistiń baspasóz qyzmeti.
Vıse-spıker jyl sanap qarqyndy damyp kele jatqan Qazaqstan men Polsha memleketteri arasyndaǵy yntymaqtastyqty nyǵaıtýda elshiniń aıryqsha ról atqarǵanyn atap ótti. Iаsek Klıýchkovskıdiń óz mıssııasyn atqarǵan 4,5 jyl ishinde, ásirese, saıası, ekonomıkalyq, áleýmettik, mádenı qarym-qatynastardy damytýǵa aıryqsha úles qosqanyna toqtalyp, rızashylyq sezimin bildirdi.
О́z kezeginde dıplomat ekonomıkalyq salaǵa basa nazar aýdaryp, qos memleket arasyndaǵy taýar aınalymynyń aıtarlyqtaı óskenin, birqatar salalar boıynsha eksport kóleminiń de artqanyn sóz etti. Sondaı-aq, elshi Qazaqstan men Polsha parlamentteri arasyndaǵy baılanysty nyǵaıtýǵa da erekshe kóńil bólingenin aıta kelip, aldaǵy ýaqytta da barlyq salada eki el yqpaldastyǵynyń belsendi jalǵasatynyna senim bildirdi.