Elbasyna daýys berý – el erteńi úshin daýys berý

Keshe, 3 sáýir – Almatyǵa saparlarynyń ekinshi kúni Qazaqstan Respýblıkasy prezıdenttigine kandıdat Nursultan Nazarbaevtyń Respýblıkalyq qoǵamdyq shtabynyń (RQSh) músheleri ǵylymı jáne shyǵarmashyl ıntellıgensııa, ardagerler uıymdary men patrıottyq klýbtardyń ókilderimen, qala kásipkerlerimen kezdesip, sondaı-aq, «Innovasııalyq tehnologııalar parki» erkin ekonomıkalyq aımaǵynda boldy. Almatynyń zııaly qaýymy El­ba­synyń bas­shylyǵymen elimiz tek úlken ekono­mıkalyq tabystarǵa qol jetkizip qana qoımaı, óziniń basty rýhanı qun­dy­­lyqtary – halyq arasyndaǵy dos­tyq­­ty, taǵattylyqty, beıbitshilik pen ke­li­simdi saqtaı alǵanyn atap kór­setti. «Búkil ǵylymı qoǵamdastyq Nur­sultan Nazarbaevtyń baǵytyn qol­daı­dy», – dep atap aıtty sóz sóılegen kezinde Qazaqstan Ulttyq ǵylym aka­de­mııasynyń prezıdenti Murat Ju­rynov. О́z kezeginde Qazaq ulttyq agrarlyq ýnıversıtetiniń rektory Tilektes Es­po­lov tek sońǵy bes jyl ishinde ǵana Memleket basshysynyń qoldaýy nátı­je­sinde otandyq ǵylymdy qarjylan­dyrý eki ese óskenin kóldeneń tartty. Budan bólek, memlekettiń bilim berý salasyna bólgen qarjysy aıtarlyqtaı artty. «Nátıjesinde atalǵan salany damytý ındeksi boıynsha Qazaqstan álemdik kóshbasshy elder qataryna kirip otyr», – dep qosty T.Espolov. Kezdesý kezinde Qazaqstan Ja­zý­shylar odaǵynyń tóraǵasy Nurlan Orazalın de sóz sóıledi. Ol qazirgi kezeńdi shyǵarmashylyq adamdary úshin altyn kezeń dep esepteıdi.  О́ıtkeni, olar dana kóshbasshysy men judyryqtaı jumylǵan halqy bar jas, yrǵaqty damý ústindegi jáne qýatty memleketti jeke sezine otyryp,  ózderiniń shyǵarmalaryna arqaý etýdiń tamasha múmkindigine ıe. Qazaqstandyq akademık Sultan Sartaev kezdesý kezinde elge jıi shy­ǵyp turatynyn, barlyq jerde qury­lys krandaryn kóretinin aıtty. Bul, ǵalymnyń pikirinshe, Qazaqstandy qazirdiń ózinde aldyńǵy qatarly óńirlik derjavalardyń qataryna qosqan Prezıdenttiń dana saıasatynyń basty nátıjeleriniń biri. Ataqty ánshi Álibek Dinishev Nursultan Nazarbaev otandyq mádenıet pen ónerdi damytý úshin óte kóp nárse jasaǵanyn atap ótti. Buǵan búkil elimiz boıynsha ashylyp jatqan jańa teatrlar jarqyn aıǵaq bolyp tabylady. RQSh músheleri barǵan kelesi jer «In­novasııalyq tehnologııalar parki» erkin ekonomıkalyq aımaǵy boldy. 2011 jyldan beri atalǵan arnaıy ekono­mıkalyq aımaqqa qatysýshylar 2 myń­nan astam adamdy jumyspen qamtamasyz etip otyrsa, ol 150 ınnovasııalyq kásiporynnyń basyn biriktiredi. О́tken jyly munda óndirilgen ónim kólemi 10,5 mıllıard teńgeni, al tólegen salyq kólemi 2,4 mıllıard teńgeni qurady. Jas jańashyldar Nursultan Na­zar­baevqa qazaqstandyq ázirleýshi-ǵa­lymdarǵa ózderin kórsetýge múmkindik bergen ınnovasııalyq tehnologııalar parkin qurǵany úshin rızashylyqtaryn bildirdi. Atap aıtqanda, Memleket basshy­sy­nyń tapsyrmasy boıynsha qurylǵan Halyqaralyq aqparattyq tehnologııalar ýnıversıtetine basshylyq jasaıtyn jas ǵalym Damır Shınabekov Nursultan Nazarbaev bolashaqtyń ekonomıkasyna berik negiz qalaǵanyn málimdedi. «Aq­parattyq tehnologııalar parki, jańa býyn­daǵy ǵylymı zerthanalardyń jelisi, «Nazarbaev Ýnıversıtet», Nazar­baev zııatkerlik mektepteri – osy­nyń barlyǵy Elbasynyń týyndylary bolyp tabylatyn serpindi jobalar, endi bular elimizdi álemdegi jetekshi ınnovasııalyq memleketter qataryna qosatyn bolady», – dep atap kórsetti Damır Shınabekov. Kásipkerlikti jańadan bastap júrgen Edýard Iýgaı ınnovasııalyq tehnologııalar parkiniń arqasynda óz isin bastaǵan. Ol joǵary tehnologııalyq qural-jabdyqtardy daıyndaýmen aınalysady jáne alǵashqy paıdasyn alyp ta úlgergen. Osy úshin ol Nursultan Nazarbaevqa shyn júrekten shyqqan rızashylyǵyn bildirdi. Kezdesýge qatysýshylar, tutastaı alǵanda, 26 sáýirde ótetin pre­zıdenttik saılaýda Nursultan Nazar­bae­vtyń kandıdatýrasyn qol­daıtyndaryn aıtty. Sóıtip, kezdesýge qatysýshylar Nursultan Nazarbaevqa daýys bere otyryp, elimizdiń órkendeýi, birligi, beıbitshilik pen kelisim úshin daýys beretinderin atap kórsetti. Qanat ESKENDIR, «Egemen Qazaqstan». ALMATY.