jańa oqý jylynda ár mektepte ótti
Keshe alǵash ret Qazaqstan Respýblıkasynyń barlyq mektepteri men kolledjderinde Qorǵanys mınıstrligi Bilim jáne ǵylym mınıstrligimen birlesip «Erlik sabaqtaryn» ótkizdi. Ol Qazaq handyǵynyń 550 jyldyǵy men 1941-1945 jyldardaǵy Uly Otan soǵysynyń 70 jyldyǵyn merekeleý sheńberinde 1 qyrkúıek – Bilim kúnine oraılastyryldy.
«Áskerı-patrıottyq tárbıeni keshendi júrgizip, ony mektep oqýshylary arasynda keńinen nasıhattaý jáne jas urpaqtyń boıyna sińirý búgingi kúnniń talaby bolyp otyr. Osy oraıda, «Erlik sabaqtaryn» sapaly uıymdastyrý úshin ádistemelik kesheni ázirlendi» – dedi Qorǵanys mınıstriniń orynbasary, general-maıor Talǵat Muhtarov.
Respýblıkamyzdyń mektepteri men kolledjderinde «Erlik sabaqtaryn» ótkizý úshin el Qarýly Kúshterinen barlyǵy 1 300-den asa áskerı qyzmetshi qatysqanyn atap ótken jón. Aksııa Qazaqstannyń barlyq óńirlerin qamtydy.
Odan basqa, alǵashqy qońyraý S. Nurmaǵambetov atyndaǵy «Jas ulan» respýblıkalyq áskerı mektebiniń tárbıelenýshileri úshin de soǵyldy. Osy oqý jylynda mektep 82 oqýshyny qabyldady. Mundaǵy jańalyq sol, budan buryn jasóspirimder 7-synyptan bastap qabyldansa, endi jańa erejege sáıkes «Jas ulanǵa» jalpy bilim berý mektebiniń 9-synybyn bitirgen jáne negizgi orta bilim týraly kýálik alǵan bozbalalar túse alady.
«Egemen-aqparat».