Keshe Úkimet Úıinde Premer-Mınıstrdiń orynbasary Berdibek Saparbaev Halyqaralyq áleýmettik qamsyzdandyrý qaýymdastyǵy (HÁQQ) prezıdenti Errol Frank Stýve bastaǵan delegasııamen kezdesý ótkizdi, dep habarlady Premer-Mınıstrdiń baspasóz qyzmeti.
Kezdesý barysynda áleýmettik qamsyzdandyrý salasynda aqparattyq jáne kommýnıkasııalyq tehnologııalardy (AKT) paıdalaný máseleleri talqylandy.
B.Saparbaev Qazaqstanda áleýmettik saladaǵy AKT damytýǵa erekshe kóńil bólinetinin atap ótti. «Bul salany damytý serpini sońǵy jyldary ekpindep ósip keledi. Jańa tehnologııalardy engizýdiń arqasynda áleýmettik saladaǵy elektrondy qyzmetter sany jyl saıyn artýda. Bizdiń elimiz AKT damytý deńgeıi boıynsha úlken jetistikterge jetip, TMD elderi arasynda jetekshi oryndarǵa ıe», – dep basa aıtty Vıse-premer.
Ol, sondaı-aq, Qazaqstan daǵdarys kezinde de barlyq áleýmettik mindettemelerdi oryndap otyrǵan álemdegi sanaýly elderdiń biri ekenin aıtty.
Vıse-premer osydan keıin Astanada 2-4 qyrkúıekte HÁQQ qamqorlyǵymen áleýmettik qamsyzdandyrýdaǵy aqparattyq jáne kommýnıkasııalyq tehnologııalar boıynsha halyq-
aralyq konferensııa ótkizýdiń mańyzdylyǵyn atap ótti.
«Osynda aýqymdy is-shara halyqaralyq yntymaqtastyqty ári qaraı jalǵastyrýǵa jáne tájirıbe almasýǵa jaǵymdy orta qalyptastyryp, Qazaqstannyń áleýmettik qamsyzdandyrýyndaǵy aqparattyq jáne kommýnıkasııalyq tehnologııalardy damytýǵa jańa serpin beredi», – dep túıindedi Berdibek Saparbaev.
О́z kezeginde Errol Frank Stýve qazaqstandyq tarapqa konferensııa uıymdastyrýǵa qol ushyn bergeni úshin alǵys bildirip, atalǵan dıalog alańy áleýmettik qamsyzdandyrýdaǵy AKT salasyn odan ári damytýǵa syndarly sheshim jasaýǵa septigin tıgizetinine senim bildirdi.