Baıanaýyl bederleri

“Folıant” baspasynyń jańa týyndysynda kestelengen Tarıh – tanym men tálimdi, má­denıet pen ónerdi, dástúr men salt-sanany, shejire men jádigerlerdi, eń bastysy ult pen ulttylyqty bir ar­na­ǵa ushtastyrǵan, bir-birinsiz qun­dy­lyq fenomenin qura almaıtyn asyl qazyna. Tarıhtyń elge artqan jaýap­kershiligin tereń sezingen tarıh­shy­lar, ólketanýshylar men jazý­shy­lar bú­ginde eldiń tarıhyn bútindep jat­qan­daryna “Meniń Otanym – Qa­zaqstan” atty serııamen shyǵyp jat­qan kitaptar tolyq aıǵaq bola alady. Bul serııa aıasynda osyǵan deıin “Ulytaý”, “Oıyl”, “Ereımentaý”, “Qa­zyǵurt”, “Otyrar” kitaptary oqyr­manǵa jol tartsa, ólketaný ta­qy­­rybyndaǵy tarıhı tanymdyq ki­tap­tardyń qatary endi, mine, “Fo­lıant” baspasynan shyqqan (avtory tarıh ǵylymdarynyń doktory Jam­byl Artyqbaev) “Baıanaýyl” kita­by­men tolyqty. Jýyrda QR Ulttyq akademııalyq kitap­hanada osy kitaptyń tanystyrylymy ótti. Baılanys jáne aqparat mınıstrligi men Ulttyq kitaphananyń qoldaýymen ótkizilgen kitaptyń tusaýkeserine kórnekti aq­yn-jazýshylar, mádenıet jáne óner qaıratkerleri, tarıhshylar, kóptegen zııaly qaýym ókilderi qatysty. Qaı qyrymen de erekshe, topy­raǵy asyl, talaı-talaı talanttardy týdyrǵan qasıetti ólkeniń arǵy-bergi tarıhy, osynaý óńirdiń barsha erek­shelikteri, el men erdiń baı sheji­re­leri naqty derekter men kórkem­sýretter arqyly júıeli baıandalatyn kitapta ómiri Baıanaýylmen ózektes tulǵalar jaıly materıaldar tyń derektermen ushtasa óriledi. Sonaý tas ǵasyryndaǵy eskertkishterden bas­tap, Baıanaýyl óńiriniń tańǵa­jaı­­yp tabıǵaty, jan-janýarlar ále­mi, ósimdikter dúnıesi jáne bú­gin­gi ál­eý­mettik-ekonomıkalyq, má­denı-rý­­ha­nı kelbeti jaıly da naq­ty de­rekter bar. Alǵashqy taralymyn 1000 da­na­men jaryqqa shyqqan bul kitaptyń tusaýkeser rásimi barysynda “Folıant” baspasynan shyqqan kitaptardyń kórmesi uıymdastyrylǵanyn da aıta ketsek deımiz. Araı ÚIRENIShBEKQYZY.