Rýhanı mádenıettiń forýmy ótpek

Ústimizdegi jyldyń kúzinde, dálirek aıtsaq 18-20 qazan aralyǵynda Astanada Rýhanı mádenıettiń búkilálemdik forýmy ótpek. Mundaı shara tarıhta tuńǵysh ret uıymdastyrylyp otyr. Forýmǵa túrli elderdiń kózi tiri rýhanı kósemderi, mádenıet pen óner maıtalmandary, saıasat jáne qoǵam qaıratkerleri, ǵalymdar qa­tys­paq. Mysaly, forýmǵa meksı­ka­lyq jazýshy, qoǵam qaıratkeri Gabrıel Garsıa Markes, brazı­lııa­lyq ataqty jazýshy Paýlo Koelo, reseılik kınorejısser, Oskar syı­lyǵynyń ıegeri Nıkıta Mı­hal­kov, jazýshy Oljas Súleımenov sekildi tulǵalar shaqyrylyp otyr. Olar búgingi zaman aldynda turǵan máseleler, adamzat órkenıetindegi daǵdarystar júıesi tóńiregindegi oılaryn ortaǵa salyp, sondaı-aq rýhanı jáne mádenı qundylyq­tar­dyń mártebesin joǵarylatý maq­satynda oı órbitedi. Búkilálemdik forýmdy ótkizý jó­nindegi ıdeıany  “Mır cherez kýl­týrý” halyqaralyq assosıasııasy, “Rýhanı kelisim kongresi” halyqara­lyq qoǵamdyq qory, sondaı-aq elimizdiń, Re­seı­diń, Eýropanyń qoǵamdyq uıym­da­ry usynys bil­dirip, ol usynys res­pýblıka basshy­lyǵy tarapynan qoldaý tapty. Adamzattyń zor rýhanı qýatqa ıe ókilderiniń bastaryn bir qaýym­dastyqqa biriktirip, bir arnaǵa toǵystyrý, sol arqyly búkil álem elderine tózimdilik, túsinistik, dostyq, kór­shi­lik qarym-qatynasty ornatý ıdeıa­laryn, adam sanasynda jaq­sy­lyqqa degen senimdi jandandyryp, qalyptastyrýǵa talpyndyratyn álem­dik uıym qurý maqsatymen ót­kizilgeli otyrǵan Rýhanı mádenıet­tiń búkilálemdik forýmy Elbasy­nyń óz usynysymen bastalyp, ti­keleı jetekshiligimen ótken Búkil­álemdik rýhanı kelisim kongresinen keıin týyndaǵan. Bul forým álem tájirıbesinde alǵashqy bolyp rýhanı mádenıettiń qos qanaty: dinı rýhanııat pen dúnıelik rýha­nııatty qosýdy maqsat etip otyr. Forým maqsaty BUU-nyń bıylǵy jyldy Mádenıetter dıalogy jyly dep jarııalaǵan baǵdar­lamasymen ushtastyrylyp otyr. Venera TÚGELBAI.