Oıýmen aıtqan qyz syry

Oblys ortalyǵyndaǵy Dostyq úıiniń zalynda erekshe kórme ashyl­dy. Ondaǵy shyǵarmalardyń barlyǵy da tek oıýdan turady. Jas talap sýretshi Qarlyǵash Shońova óziniń aıtar oıyn da, syryn da tek oıý tilimen jetkizipti. Halqy­myz­dyń ejelgi ónerin Qarlyǵash shyǵarmashylyqpen jańǵyrta otyryp, oıýmen obrazdar jasaıdy, oı aıtady. Sýretshi-sheber ár shyǵarmasyna at qoıǵan, ol “Aqqý-arman”, “Jyldyń tórt mezgili”, “Qus­muryn”, “Shaıanbas”, “Qýa­nysh”, “Jańa syrmaq” bolyp jalǵasa beredi. Qarlyǵash Shońova Qostanaı óńirinde ónerge kelgen eń jańa esim bolyp sanalady. Oblystyq telera­dıo kompanııasynda rejısser bo­lyp isteıtin Qarlyǵashtyń mundaı ónerinen áriptesteri de habarsyz bolyp shyqty. Úlken isti úndemeı júrip bitirgen boıjetken áriptes­terin kórmesine shaqyrǵanda bir-aq bildi. Mektep qabyrǵasynda sýret salýdy, tigin tigýdi unatsa da Qar­lyǵash býhgalter mamandyǵyn alǵan bolatyn. Keıinirek telejýrna­lıs­tıkaǵa yqylasy aýypty. Biraq bala kezdegi ádetimen ol jumystan bos kezinde qolyna qalam alyp sýret salýdy, tigin tigýdi tastamaǵan eken. Osynyń barlyǵy da ónerge degen yntyzarlyq ekenin Qarlyǵash aý­yldas aǵasy, qolóner sheberi, sý­ret­shi Muhametqalı Rahalıevtiń shaǵyn sheberhanasyna barǵanda bir-aq tú­sindi. Muhametqalıdyń dombyraǵa, qobyzǵa, sandyqqa oıyp salǵan oıýy ony erekshe qyzyqtyrdy. – Qarlyǵash meniń sheberha­na­ma osydan úsh jyl buryn kelgen edi. Biraz ýaqyt ótkennen keıin ma­ǵan kelip, óziniń salǵan, oıǵan oıýyn kórsetti. Onyń boıyndaǵy ta­lant ushqynyn birden baıqadym da, muny tastamaýǵa, damytýǵa keńes berdim. Qarlyǵash sheberliginiń ár shyǵarma saıyn ósip otyrǵany qýantady. Ol arnaıy kásiptik bilim almasa da, boıaýlardyń sáıkestigin, gammasyn saqtap otyrýdy jaqsy biledi, – deıdi Muhametqalı Rahalıev. Osy kórmeniń ashylýynda sóz alǵan belgili aqyn Serikbaı Os­pa­nov jáne taǵy basqalar Qarlyǵash­tyń ulttyq óner arqyly oı aıta bilgenin joǵary baǵalap, onyń shyǵarmashylyǵyna tabys tiledi. – Qarlyǵash oıýlaryn ákep kór­setkende biz oǵan birden Konstı­týsııa kúnine arnap kórme uıymdas­t­yrýǵa usynys jasadyq, – deıdi oblystyq kórkemsýret galereıasy­nyń meńgerýshisi Saıa Nurlybaeva. – О́ıtkeni, oıý halqymyzben birge jasap kele jatqan, qazaqtyń darqan dalasyn, minezin, turmys-tirshiligin kórsetetin ejelgi óner. Al Qarlyǵash osy ejelgi óner arqyly táýelsiz elimizdiń búginin jyrlaıdy. Onyń oıǵan oıýynan asqar taýdyń, dalanyń, kók týy­myz­daı aspannyń, kól men ózenniń, altyn astyqtyń, jaınaǵan gúldiń beınesin, boıaýyn kóremiz. Alǵashqy kórermenderi aldynda sóz alǵan jas sýretshi-sheber bul ónerdi aldaǵy ýaqytta jańa qy­rynan damyta beretindigin aıtty. Kór­mege Qarlyǵashtyń qyryqtan as­tam shyǵarmasy qoıylǵan. Názik­tik pen salmaqty oıdy oıýda to­qaı­lastyrǵan kórmeni qostanaılyqtar bir aı boıy tamashalaıtyn bolady. Názıra JÁRIMBETOVA, Qostanaı.