Kaspıı-aral aımaǵynyń tarıhı muralary

Aqtaýda ótken II  Halyqaralyq ǵy­lymı-tájirıbelik konferensııanyń basty taqyryby bolyp, aımaqtaǵy ta­rıhı-mádenı muralardy saqtap qalý jáne paıdalaný máseleleri keńinen talqylandy. Aqtaý qalasynda araǵa úsh jyl salyp ekinshi ret ótken bul alqaly bas­qosýǵa AQSh-tyń, Reseı, Ázir­baıjan, Iran, О́zbekstan, Túrki­men­stan el­deri­niń kórnekti ǵalymdary, tarıhshylar, etnologııa, mádenıettaný, arheologııa jáne sosıologııa sala­sy­nyń zertteýshi­le­ri, tarıhı-mádenı mu­ralardy qorǵaý jáne paıdalaný sa­la­synyń belgili ma­mandary, ǵylymı-zert­teý ortalyqtary­nyń qyzmet­ker­le­ri qatysty. Mańǵystaý oblysynyń áki­mi Q.Kósherbaev “bul konferen­sııa­nyń elimizdegi tarıhı-mádenı es­kert­kishterdiń úshten ekisin enshileıtin, aspan astyndaǵy murajaı atanǵan aımaqta ótýi biz úshin óte mańyzdy”, dep osynaý ıgilikti iske  irgeli mem­leketterdiń ǵalymdarynyń, osy sala mamandarynyń atsalysyp, birlese jumys jasaýy quptarlyq jaǵdaı ekendigine toqtaldy. Odan keıin Sh.Ýá­lıhanov atyndaǵy tarıh jáne etnologııa ınstıtýty dırektorynyń orynbasary Q.Erimbetova, Reseı Ǵylym akademııa­synyń tarıh ınstı­tý­tynyń bólim bastyǵy, professor V.Trepavlov, AQSh Indıana ýnıver­sı­tetiniń professory Dı Ýıs Devın, О́zbekstan Ǵylym aka­de­mııasy Qa­ra­qal­paq bóliminiń tarıh, arheologııa jáne etnografııa ınstıtý­tynyń dı­rektory V.Iаgodın, tarıh ǵylym­dary­nyń doktory О́.Ozǵambaev, taǵy da basqa ondaǵan ǵalymdar tartymdy baıandamalar jasap, oı-pikir bólisti. Konferensııaǵa qatysýshylar kelesi kúni kóshpeli semınar ótkizdi. Jolaman BOLAShAQ, Mańǵystaý oblysy.