Memleket basshysy Nursultan Nazarbaev KSRO Memlekettik syılyǵynyń laýreaty, Qazaqstan Respýblıkasynyń halyq jazýshysy Ábdijámil Nurpeıisovti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
Kezdesý barysynda Qazaqstan mádenıetin damytýdaǵy ózekti máseleler men óskeleń urpaqty patrıottyq rýhta tárbıeleýdegi qalamgerlerdiń róli talqylandy.
* * *
Memleket basshysy Nursultan Nazarbaev Mádenıet mınıstri Muhtar Qul-Muhammedti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
M.Qul-Muhammed Prezıdentti Qazaqstanda turyp jatqan barlyq etnostardyń tilin saqtaı otyryp, ulttyq birlikti nyǵaıtýdyń mańyzdy faktory retinde memlekettik tildiń tolyq aýqymda qoldanylýyn qamtamasyz etýge tıisti Tilderdi qoldaný men damytýdyń 2011-2020 jyldarǵa arnalǵan memlekettik baǵdarlamasy jobasynyń negizgi baǵyttary týraly habardar etti.
Mınıstr sondaı-aq “Mádenı mura” baǵdarlamasynyń oryndalý barysy, atap aıtqanda, ǵylymı-qoldanbaly zertteýlerdi iske asyrý, arheologııalyq qazbalardy júrgizý, tarıhı jáne mádenı eskertkishterdi restavrasııalaý týraly baıandady.