ASTANA. 15 qańtar. Germanııanyń belgili Audi avtomobıl shyǵarýshy kompanııasy Aıǵa óz apparatyn ushyrmaq. Jospar boıynsha Audi Lunar Quattro dep atalatyn qurylǵy Aıdyń betimen kem degende 500 metr júrip, Jerge joǵary sapaly sýretter men vıdeolar jiberip turady. Bul týraly vesti.ru saıtyna silteme jasaǵan egemen.kz tilshisi habarlady.
Alaıda, bul jobany júzege asyrý úshin Berlınniń Part-Time Scientists tehnıkalyq toby júlde qory 30 mln. AQSh dollaryn quraıtyn Google Lunar XPRIZE baıqaýynda jeńip shyǵýy tıis. Al baıqaýdyń sharty boıynsha, Aıǵa avtomattandyrylǵan apparat jiberýge múmkindigi bar komanda jeńiske jetedi. Sondaı-aq, baıqaýǵa qatysýshy komanda jalpy shyǵynnyń 90 paıyzyn ózi óteı alatynyna uıymdastyrýshylardy sendirýi kerek. Soǵan baılanysty Audi kompanııasy Part-Time Scientists ınjenerler tobyna qoldaý kórsetýge bel baılady.
Bul rette kompanııa top ınjenerlerine mamandardan keńes alýǵa jáne Aıda júretin Audi Lunar Quattro apparatyn berýge kelisim berdi. Atalǵan apparat buǵan deıin Google Lunar XPRIZE baǵdarlamasy aıasynda eki júlde jeńip alyp, barlyǵy 750 myń dollar tabys ákelgenin atap ótken jón.
Eger barlyq bastama oıdaǵydaı júzege assa Audi shyǵarǵan apparat 2017 jyly Aıǵa ushyrylmaq.
Elaman Qońyr.
Derek: vesti.ru.
Sýret: mail.ru.