ASTANA. 18 qańtar. «Astana arlans» sońǵy bes maýsymda eki ret jeńimpaz atandy. Bul týraly egemen.kz tilshisi habaralady.
Sonymen birge komanda bir ret ekinshi oryndy, eki ret úshinshi oryndy ıelendi.
Komanda Búkilálemdik boks serııasynyń osyǵan deıin ótken bes maýsymynda úsh ret alǵashqy jekpe-jekterin óz jerinde ótkizdi. 2010/11 jylǵy maýsymda «arlandar» toptyq básekeniń tusaýkeser jekpe-jeginde Ońtústik Koreıa komandasyn qabyldap, qarsylastaryn 5:0 esebimen jeńse, 2013/14 jylǵy maýsymnyń alǵashqy jekpe-jeginde Ázerbaıjan boksshylarynan 4:1 esebimen basym tústi. Byltyr Venesýela komandasymen bolǵan alǵashqy kezdesýde «arlandar» qonaqtardy 5:0 esebimen oısyrata utty.
Tómende «Astana arlandary» klýbynyń maýsymashar jekpe-jekteri:
2010-11 jyl. «Astana arlandary» – «Pohang Poseidons»(Ońtústik Koreıa) – 5:0.
2011-12 jyl. «Los Angeles Matadors» (AQSh) – «Astana arlandary» – 3:2.
2012-13 jyl. «Ukraine Otamans» (Ýkraına) – «Astana arlandary» – 2:3.
2013-14 jyl. «Astana arlandary» – «Baku Fires» (Ázirbaıjan) – 4:1.
2015 jyl. «Astana arlandary» - «Veneszuela Caciques»(Venesýela) – 5:0.
Byltyrǵy maýsymnyń qorytyndysy boıynsha «Astana arlandary» komandasynda 91 kıloǵa deıingi salmaq dárejesinde kúsh synasqan boksshy Vasılıı Levıt Rıo-de-Janeıro Olımpıadasynyń joldamasyn jeńip aldy. Endi ol ulttyq qurama sapynda Olımpııa oıyndaryna qatysady.
Búkilálemdik boks serııasy arqyly Olımpııa oıyndaryna joldama alǵan tek Vasılıı Levıt qana emes. 81 jáne 91 kılodan asa salmaqtarda judyryqtasqan horvatııalyq legıonerler Hrvoe Sep pen Fılıp Hrgovıch te byltyrǵy maýsym qorytyndysy boıynsha Olımpıada joldamasyn ıelendi. Fılıp Hrgovıch álemdik reıtıngti birinshi orynmen aıaqtady. Hrvoe Sep bolsa, AIBA basshylarynyń taǵaıyndaǵan qosymsha joldamasyna ıe boldy.
Bıylǵy maýsymda APB men WSB jobalaryna qatysatyn boksshylar arasynda Olımpıadanyń 26 joldamasy sarapqa salynady. Bul jarystarǵa «Astana arlandary» quramynan kimderdiń qatysatynyn klýb jattyqtyrýshylary men ulttyq qurama bapkerleriniń keńesi ózara aqyldasa otyryp sheshedi.
Búkilálemdik boks serııasynyń tarıhynda «Astana arlandary» komandasy eń kóp júlde alǵan ujymdardyń biri. 2010 jyldan beri uıymdastyrylyp kele jatqan jobada «arlandar» eki ret bas júldeni (2013, 2015) jeńip alsa, bir ret (2011) ekinshi oryndy ıelendi. 2012 jáne 2014 jyldary jartylaı fınalǵa deıin jetip, qola júldeni qanaǵat tutty.
Búkilálemdik boks serııasynda júlde alǵan komandalar sany – 9. Olardyń ishinde 4 komanda ǵana atalmysh jobanyń jeńimpazy atanǵan.
Komanda
2010/11
2011/12
2012/13
2013/2014
2015
Astana Arlans
2-oryn
3-oryn
1-oryn
3-oryn
1-oryn
Kýba qabylandary
-
-
-
1-oryn
2-oryn
Dolce & Gabbana
-
1-oryn
3-oryn
-
-
Paris United
1-oryn
-
-
-
-
Baku Fires
3-oryn
3-oryn
-
2-oryn
-
Russian Boxing Team
-
2-oryn
-
3-oryn
3-oryn
Ukraine Otamans
-
-
2-oryn
-
-
Mexico City Guerreros
-
-
3-oryn
-
3-oryn
Dastan Kenjalın.
Derek, sýret: «Astana arlans» jartylaı kásipqoı boks klýby.