О́tken juma kúni Premer-Mınıstrdiń orynbasary Darıǵa Nazarbaeva Almaty qalasyna jumys sapary barysynda Almaty Management University oqý ornynda boldy.
Sapardyń negizgi maqsaty «2016-2019 jyldarǵa arnalǵan bilim berýdi damytýdyń memlekettik baǵdarlamasynyń» jobasy boıynsha usynystardy talqylaýǵa arnaldy.
Atalǵan joǵary oqý ornynyń prezıdenti Asylbek Qojahmetov vıse-premerge Qazaqstandaǵy alǵashqy bıznes joǵary oqý orny týraly áńgimelep, memlekettik baǵdarlamanyń jobasyna baılanysty usynystar bildirdi.
Darıǵa Nazarbaevaǵa joǵary oqý ornynyń vırtýaldy mýzeıi aıryqsha áser qaldyrdy. Munda dástúrli mýzeılerge qaraǵanda eksponattar joq, onyń esesine ınnovasııalyq aspekti bar.
Vıse-premer úshtuǵyrly til normaǵa aınalǵan ýnıversıtettiń tildik strategııasyna qyzyǵýshylyq bildirdi. Alǵashqy eki jylda munda aǵylshyn tilin ıntensıvti túrde engizý tájirıbelenedi. Al stýdentter men qyzmetkerler arasynda qazaq tilin oqyp-úırenýge yntalandyrý JOO-da 2010 jyly qurylǵan «Ulytaý» mádenı-lıngvıstıkalyq lageriniń ınnovasııalyq ádistemeleriniń kómegimen júzege asyrylady.
Jańa pishimdi menedjerler daıyndaý kezdesýde talqylanǵan mańyzdy taqyryptardyń biri boldy. Osylaısha, D.Nazarbaevanyń aıtýynsha, restorandyq jáne qonaq úı bıznesi salasynda elde kásibı menedjmentke degen ótkir zárýlik baıqalady. Osy salaǵa aqsha salǵandardyń bári aqyr sońynda sheteldik menedjerlerdi shaqyrýǵa májbúr bolady, dep atap ótti vıse-premer.
D.Nazarbaevanyń paıymdaýynsha, taǵy bir ótkir problema, ol qazaqstandyqtardyń óz ónimderin ilgerilete bilmeýi bolyp tabylady. Indýstrııalyq-ınnovasııalyq damýdyń alǵashqy besjyldyǵy ótti. Biz kásiporyndar, zaýyttar saldyq, jumys oryndaryn qurdyq. Biraq, eń basty problema nede? Biz óz óndirgenderimizdi sata bilmeımiz. Máselen, Soltústik Qazaqstan oblysynda mal sharýashylyǵy óte jaqsy jolǵa qoıylǵan, biraq etti, jún men terini satýda únemi problemalar týyndap jatady. Nátıjesinde, qytaılar men túrikter kelip bárin azdaǵan tıyn-tebenge satyp alyp ketedi. Biz arnaıy mamandar daıyndap jatsaq ta, áli kúnge saýda jasap úırengen joqpyz. Mundaı jaǵdaı búkil Qazaqstan boıynsha oryn alyp otyr, dedi D.Nazarbaeva.
Kezdesýde Almaty qalasyn damytý jospary da talqylandy. О́kinishke qaraı, qala ekonomıkasyndaǵy JOO-lardyń róli, sol sııaqty, ózge de ekonomıkalyq jáne áleýmettik máseleler atalǵan qujatta esh kórinis tappaǵan.
Kezdesý qorytyndysynda D.Nazarbaevaǵa ýnıversıtettiń sımvoly – hrýstal alma tabys etildi.
«Egemen-aqparat».