Senat otyrysynyń kún tártibi belgilendi

21 qańtarda bolatyn Senat otyrysynda bir zań jobasyn qaraý josparlandy, dep habarlady osy palatanyń baspasóz qyzmeti. Senat Tóraǵasy Qasym-Jomart Toqaev jáne bıýro mú­she­leri qabyldaǵan qaýlyǵa sáıkes, depýtattar nazaryna «Qazaq­stan Respýblıkasy men Halyq­aralyq Qaıta qurý jáne Damý ban­ki arasyndaǵy Qaryz týraly kelisimdi (Eńbek daǵdylaryn damytý jáne jumys oryndaryn yn­talandyrý jónindegi joba) ratıfıkasııalaý týraly» zań jobasy shyǵarylady. Sondaı-aq, senatorlardy ha­lyqaralyq parlamenttik uıym­darǵa jáne Senattyń shet mem­leketterdiń parlamentterimen yntymaqtastyq jónindegi toptaryna jiberý týraly máseleni talqylaý josparlanyp otyr. Bıýroda jumysqa qabyldana­tyn úsh zań jobasy boıynsha bas komıtetter belgilendi. Qarjy jáne bıýdjet komıtetine «Qazaqstan Respýblıkasy men Cheh Respýblıkasy arasyndaǵy Tabys pen kapıtalǵa salynatyn salyqqa qatysty qosarlanǵan salyq salýdy boldyrmaý jáne salyq tóleýden jaltarýǵa jol bermeý týraly konvensııaǵa ózgerister men tolyqtyrýlar engizý týraly hattamany ratıfıkasııalaý týraly» zań jobasy belgilendi. «Qazaqstan Respýblıkasy men Úndistan Respýblıkasy arasyndaǵy sottalǵan adamdardy berý týraly kelisimdi ratıfıkasııalaý týraly» zań jobasy Konstıtýsııalyq zańnama, sot júıesi jáne quqyq qorǵaý organdary komıtetine berildi. Áleýmettik-mádenı damý já­ne ǵylym komıteti «Qazaqstan Res­pýblıkasy men Halyqaralyq Qaıta qurý jáne Damý banki (energııa tıimdiligin arttyrý já­ne jastar korpýsyn damytý baǵ­dar­lamasy úshin bir donordyń Trast qory ákimshisi retinde áreket etýshi) arasyndaǵy Grant týraly kelisimdi (Jastar korpýsyn damytý jobasy) ratıfıkasııalaý týraly» zań jobasy boıynsha bas komıtet bolyp belgilendi. Bul zań jobalary boıynsha tıisti qorytyndylar ázirleý merzimi 2016 jylǵy 29 aqpanǵa deıin dep belgilendi.