ASTANA. 19 qańtar. Reseı Federasııasynyń quramyndaǵy Daǵystan Respýblıkasynda dońyz tumaýynan bes adam qaıtys boldy. Bul týraly Interfax aqparat agenttigine silteme jasaǵan egemen.kz tilshisi habarlady.
Atalǵan respýblıkanyń Densaýlyq saqtaý mınıstriligi baspasóz qyzmetiniń habarlaýynsha, qys bastalǵaly beri Daǵystanda H1N1 – dońyz tumaýynan tórt eresek jáne bir bala kóz jumǵan.
Mınıstrlik taratqan habarlamada: «2015 jyldyń jeltoqsan aıynan beri elde H1N1 vırýsyna qatysty sońy aýyr qaıǵymen aıaqtalǵan 5 oqıǵa tirkelip otyr. Bul jaǵdaı negizinen aýrý juqtyrǵandardyń dárigerlerge kómekke tym kesh kelýimen baılanysty», – delingen.
Indetten kóz jumǵandardyń tórteýi – Mahachkalada, al bireýi Izberbashta ómir súrgen. Jalpy, elde dońyz tumaýynyń 68 oshaǵy anyqtalǵan. Tumaýdy juqtyrǵandardyń deni aýrýhanadan shyǵarylǵan, tek keıbiri ǵana emdelýge qaldyrylyp otyr.
Jaǵdaıdy mınıstrlik erekshe baqylaýǵa alǵan. Daǵystandaǵy barlyq medısınalyq mekemeler qajetti dári-dármekpen der kezinde jabdyqtalýda.
Elaman Qońyr.
Derek: interfax.ru.
Sýret: thegreatmiddleeast.com.