Men, oblystyq kásipkerler palatasy Aqsý qalasy fılıalynyń basshysy, jeke kásipker retinde aǵymdaǵy jylda jarııa etilgen Elbasymyzdyń «Ult Jospary – qazaqstandyq armanǵa bastaıtyn jol» maqalasyn tolyqtaı qoldaımyn.
Ult Josparynda otandyq óndiristiń damýyna shetel ınvestorlaryn tartý, orta jáne shaǵyn bıznesti jan-jaqty qoldaý sharalary kórsetilgeni meni asa qýantady.
Sonymen qatar, 2015 jylǵy 13 qańtarda Parlament depýtattary Májilisti kezekten tys taratý jáne kezekten tys saılaý ótkizý jóninde usynys jasady. Májilisti qaıta jasaqtaý elimizde qazirgi qalyptasqan ekonomıkalyq jaǵdaıda asa qajet bolyp otyr.
Men depýtattardyń bul usynysyn tolyqtaı qoldaımyn. Sebebi, kezekten tys parlamenttik saılaý ótkizý ulttyq bızneske, jalpy memleketimizdiń damýyna teris áser etý qaýpin týdyratyn jaǵdaılardan qıyndyqsyz ótýge jol beredi.
О́zim kásipkerler palatasy fılıalynyń basshysy bolyp 2014 jylǵy sáýir aıynan qyzmet atqarýdamyn. Oǵan qosa jeke kásippen de aınalysamyn. Búgingi kúni óńirde 3082 kásipkerlik sýbektiler tirkelgen, onyń ishinde 2597 – jeke kásipkerler. Oblysta kásipkerliktiń qarqyndy damýyna qajetti jaǵdaılar týdyrylǵan. Jyldan-jylǵa aýyl sharýashylyǵyna, jeke kásipkerlerge, saýda oryndarynyń damýyna memleket jaǵynan tolyqtaı qoldaý kórsetilip otyr. Sondyqtan álemde oryn alyp jatqan ekonomıkalyq qıyndyqtardan súrinbeı ótetinimizge senimdimiz.
Sol úshin, biz, Aqsý óńiriniń kásipkerleri, Parlament depýtattarynyń bul sheshimin tolyq.
Glıýzıa ALPYSBAEVA,
kásipkerler palatasy qalalyq fılıalynyń basshysy.
Aqsý qalasy.