Qazaqstan Respýblıkasy Parlamenti Májilisiniń kezekten tys saılaýyn ótkizý týraly Jarlyqty qoldaı otyryp, biz Elbasyna elimizge búgingideı qubylmaly zamanda aldyn ala is-qımyl tanytýǵa múmkindik beretin ýaqtyly jáne qajetti qadamǵa barǵany úshin ózimizdiń rızashylyǵymyzdy bildiremiz.
Sozyla túsip otyrǵan jahandyq ekonomıkalyq daǵdarys memleketten jańa syn-qaterlerge, sondaı-aq júrgizilip jatqan reformalar baǵytyn tereńdetýge qatysty jedel sharalardy talap etedi.
Bıznes ókilderi V shaqyrylymdaǵy depýtattardyń úılesimdi jumysyn joǵary baǵalasa, sonyń arqasynda «100 naqty qadam» Ult Jospary sheńberinde elimizdi jedel jańǵyrtýdyń zamanaýı zańnamalyq arqaýy qabyldandy.
Biz kezekten tys saılaý keń kólemdi qoǵamdyq pikirtalas ótkizip, kásipkerlerdi qosa alǵanda, barlyq múddeli qoǵamdyq toptardyń talabyn eskere otyryp, reformalardy ári qaraı ilgeriletýde asa ońtaıly strategııa tańdaýǵa múmkindik beretinine senimdimiz.
Jańarǵan Parlament qoǵamdy toptastyryp, daǵdarysqa qarsy sheshimdi is-qımyl úshin tıimdi jalpyulttyq tuǵyrnama qalyptastyrýǵa múmkindik beretinine senimimiz kámil.