Qazaqstan halqy Assambleıasy músheleriniń atynan Elbasy – Qazaqstan Respýblıkasy Prezıdentiniń Qazaqstan Respýblıkasy Parlamenti Májilisiniń kezekten tys saılaýyn taǵaıyndaý týraly sheshimine qoldaý kórsetemiz.
Biz, qazaqstandyqtar úshin basty jetistik qashanda qoǵamdaǵy beıbitshilik, turaqtylyq jáne kelisim bolyp keledi. Osy myzǵymaıtyn qazaqstandyq qundylyqtar barlyq qıyndyqtardy tabysty eńserip, qýatty Qazaqstan qurýǵa kómektesýde.
Qazirgi álemdik ekonomıkalyq daǵdarys jaǵdaıynda Prezıdent kezekten tys parlamenttik saılaý ótkizý týraly ýaqtyly sheshim qabyldap, elimizdiń zań shyǵarýshy organynda azamattarymyzdyń múddesin qorǵaýǵa quqyq berý úshin ashyq básekelestikke múmkindik usyndy.
Bul sheshimnen biz Prezıdenttiń qoǵamdyq kúshter men saıası partııalardyń joǵary syndarly áleýetine degen oń kózqarasyn, sondaı-aq, Elbasynyń qurylǵan jyldarynan beri ulttyń birligin nyǵaıtýdy qamtamasyz etip, qoǵamdaǵy ózara qoldaý men qazaqstandyq patrıotızm ıdeıalaryn taratýdaǵy jumysyna degen senimdiligin kóremiz.
Biz Parlament Májilisi depýtattarynyń jańa quramyn saılaý halyqtyń azamattyq belsendiligin arttyrýǵa qýatty serpin berip, Memleket basshysynyń daǵdarysqa qarsy josparyn júzege asyrý úshin búkilhalyqtyq birlikti nyǵaıtýdy qamtamasyz etetinine zor senimdemiz.
Bul reformalardy tabysty júrgizý úshin ońtaıly jaǵdaılar qalyptastyrýǵa, qoǵamdyq kelisim men jalpyulttyq birlikti nyǵaıtýǵa jaǵdaı týǵyzatyn bolady.