KО́KShETAÝ. 24 qańtar. Kókshetaýda «Nur Otan» partııasy Aqmola oblystyq saıası keńesiniń keńeıtilgen otyrysy bolyp ótip, onda partııanyń saılaýaldy baǵdarlamasy jan-jaqty talqylandy. Bul týraly oblystyq bólimshe baspasóz qyzmetiniń deregine súıengen egemen.kz tilshisi habarlady.
Otyrysty oblystyq bólimshe tóraǵasynyń birinshi orynbasary Ǵalym Bekmaǵambetov ashyp, júrgizip otyrdy. Ol óziniń kirispe sózinde baǵdarlamanyń partııa músheleri men ýákiletti organdardaǵy depýtattardyń jaqyn aradaǵy bes jyldaǵy jumystarynyń strategııasy men taktıkasyn anyqtaýy kerek ekenin aıtty.
Jıynda saıası keńes múshesi Irına Jýkova, A. Myrzahmetov atyndaǵy Kókshetaý ýnıversıtetiniń prezıdenti Saǵyntaı Elýbaev, Qorǵaljyn aýdany mádenıet jáne tilderdi damytý bóliminiń meńgerýshisi Nurlan Shalǵynbaev, «Qazaq tili jáne mádenıeti» qoǵamdyq birlestiginiń tóraǵasy Meırambek Kıikov, partııa jáne eńbek ardageri, Kókshetaý qalasynyń qurmetti azamaty Zýra Shýataeva sóz sóılep, baǵdarlamany tolyq qoldaıtyndaryn bildirdi.
Otyrys barysynda sondaı-aq qańtardyń 29-ynda Astana qalasynda ótetin «Nur Otan» partııasynyń kezekten tys XVII sezine delegattar saılandy. Aımaq atynan buljıynǵa 37 partııa ókili qatysatyn boldy.
Baqbergen Amalbek.
Derek, foto: «Nur Otan» partııasy Aqmola oblystyq bólimshesiniń baspasóz qyzmeti.