ASTANA. 24 qańtar. Bashqurtstannyń astanasy - Ýfa qalasynda zeınetker 6 jasar nemeresine 20 jerden pyshaq suǵyp alǵan. Alaıda, aýyr jaraqattanǵan búldirshindi dárigerler ólim aýzynan aman alyp qaldy. Bul týraly «QazAqparatqa» silteme jasaǵan egemen.kz habarlady.
Jergilikti polıseılerdiń habarlaýynsha, 62 jastaǵy zeınetker mas kúıinde kishkentaı nemeresine pyshaq ala júgirip, 20 jerden jaraqattap tastaǵan. Abyroı bolǵanda, bala dárigerlerdiń kómegimen aman qaldy.
Qazirgi tańda jábirlenýshi qalalyq aýrýhanada. Al tártip saqshylary oqıǵanyń mán-jaıyn anyqtaýda. Sondaı-aq, kúdikti ýaqytsha qamaýǵa alynǵan.
Talǵat Raıymbek.
Derek, sýret: «QazAqparat»