ASTANA. 24 qańtar. Japonııada tolassyz jaýǵan qardan 5 adam qaza taýyp, 200-den astam turǵyn túrli jaraqat aldy. Bul týraly TASS aqparat agenttigine silteme jasaǵan egemen.kz tilshisi habarlady.
Oqıǵa Japonııa aımaǵyndaǵy 20 prefektýrada boldy. Turǵyndardyń kóbi bulshyq etiniń sozylýy sııaqty jaraqattar aldy. Qazirge deıin osyǵan uqsas 214 jaǵdaı tirkeldi. Nagasakı, Sımane qalalaryn qosqanda, 6 aımaqta elektr jelisiniń isten shyǵýynan jalpy sany 1,5 myńnan astam turǵyn úı jaryqsyz qaldy.
Aýa raıynyń qolaısyzdyǵyna baılanysty barlyǵy 500 áýe reısi keıinge qaldyryldy. Sondaı-aq, dúısenbi kúngi josparǵa da keri áserin tıgizýi múmkin.
Japonııanyń ulttyq metereologııalyq basqarmasy Kagosıma aımaǵynda ornalasqan Osıma aralynda sońǵy 115 jyl ishinde alǵash ret qar jaýǵanyn málimdedi. Atalǵan jerde 1901 jyldyń 12 aqpanynan beri mundaı oqıǵa bolmaǵan.
Aıan Ábdýálı.
Derek: TASS.
Sýret: ntv.ru.