ASTANA. 24 qańtar. Volgogradta bir qoshqar ózin satpaqshy bolyp alyp bara jatqan adamdy myltyqpen atyp aldy. Bul týraly ras.kz saıtyna silteme jasaǵan egemen.kz tilshisi habarlady.
Oqys oqıǵa 21 qańtar kúni qalanyń Kırov aýdanynda bolǵan.
Myltyqtyń oǵynan aýyr jaraqat alyp qalǵan er kisi Sarpınskıı aralyndaǵy aýrýhanaǵa jetkizilgen. Dárigerler zardap shegýshiniń bel omyrtqasyna oq tıgenin aıtyp otyr.
Buqaralyq aqparat quraldary ókilderine er kisiniń ózi aıtqandaı, oqıǵa jeke kóligimen qoshqardy satý úshin bazarǵa alyp bara jatqan kezinde bolǵan. Artqy oryndyq jaqta baılaýly jatqan janýar jolda qozaǵalaqtaı beredi. Bir kezde ol janynda oqtaýly jatqan TOZ myltyǵyna tıip ketedi. Sol kezde myltyq gúrs ete túsedi...
Qazirgi tańda barlyq jaǵdaı jan-jaqty tekserilip jatyr.
Quqyq qorǵaý organdarynyń qyzmetkerleri muny myltyqty saqtyqpen paıdalanbaýdan bolǵan oqıǵa sanaıdy.
Talǵat Raıymbek.
Derek, foto: ras.kz.