PETROPAVL. 25 qańtar. Sábıt Muqanov atyndaǵy qazaq sazdy-drama teatrynda elimizdiń jáne Reseı, Qytaı, Avstralııa, Italııa, Fınlıandııa, taǵy basqa shetelderden kelgen ınvestorlardyń qatysýymen alqaly jıyn ótip, 6 memorandýmǵa qol qoıyldy. Bul týraly egemen tilshisi habarlaıdy.
Aımaq basshysy Erik Sultanov óz sózinde Qazaqstanda ınvestısııalyq saıasatty ońtaıly júzege asyrýdyń nátıjesinde ekonomıkalyq áriptestikti óristetý nyǵaıa túskenin, óńirde ınvestorlardy qoldaý maqsatynda keshendi sharalar atqarylyp jatqanyn jetkizdi. О́tken jyly 154,5 mıllıard teńge mólsherinde ınvestısııa tartylyp, ósim qarqyny jóninen respýblıkada birinshi oryndy ıelengen. Qarjygerler aýyl sharýashylyq daqyldaryn óńdeý, týrızm, ónerkásip, tabıǵatty paıdalaný salalaryna úlken qyzyǵýshylyq tanytyp otyr.
Oblys ákiminiń orynbasary Muhtar Mankeev óz baıandamasynda Elbasy Nursultan Nazarbaevtyń saıasatynyń arqasynda elimizde ınvestısııalardy tartýǵa qolaıly jaǵdaılar týdyrylǵanyn, jergilikti jerde jer qoınaýyn paıdalaný múmkindigi zor ekenin, 232 barlanǵan ken orny boıynsha 48 kelisimshart jasalǵanyn, tústi jáne sırek kezdesetin metalldar boıynsha da múmkindikter qarastyrylyp jatqanyn atap ótti. Qazir ınvestısııalyq portfel shamamen 200 mıllıard teńgeni quraıdy. 12 joba aıasynda sheteldik kompanııalarmen kelissózder júrgizilýde. Yntymaqtastyqtyń basym baǵyttarynyń biri Qytaımen birlesken úsh jobany júzege asyrý bolyp tabylady. Máselen, Aspan asty eliniń kásipkerleri 2018 jylǵa qaraı Ǵabıt Músirepov atyndaǵy aýdanda dándi daqyldardy qaldyqsyz óńdeıtin zaýyt salýdy mejelep otyr.
«Biz úshin bul – elimizden tys jasalyp otyrǵan alǵashqy joba. Jylyna 250 myń tonna dándi daqyl óńdemekpiz. 1200 jumys orny ashylady. Investısııalar kólemi 250 mıllıon dollardy quraıdy», – deıdi «Shı Lın Fý Sın-Ýhan» kompanııasynyń bas dırektory Chjan Shı Gan.
Keleli basqosýda nvestısııalar jáne damý vıse-mınıstri Rahym Oshaqbaev, Aýyl sharýashylyǵy mınıstriniń orynbasary Ermek Kósherbaev, «Atameken» ulttyq kásipkerler palatasy basqarma tóraǵasynyń orynbasary Nurjan Áltaev, «Damý» kásipkerlikti damytý qory» aksıonerlik qoǵamynyń basqarma tóraıymy Lázzat Ibragımova, «Qazaqstan temir joly» ulttyq kompanııasy» aksıonerlik qoǵamynyń vıse-prezıdenti Baýyrjan Orynbasarov, Qazaqstandaǵy Eýropalyq qaıta qurý jáne damý bankiniń jetekshi bankıri Anton Dan-Chın Iý, Fınlıandııadan - Kalver Kapper, Avstralııadan - Elıson Morlı, Reseıden - Vladımır Kan sóz alyp, aldaǵy mindetter jaıly óz oılaryn ortaǵa saldy.
Keńes bitkennen keıin sheteldik kompanııalarmen ózara yntymaqtastyq týraly birqatar memorandýmǵa qol qoıyldy.
О́mir Esqalı.
Derek, sýret: egemen.kz.