ASTANA. 25 qańtar. Taıvanda ótken demalys kúnderi aýa raıynyń kúrt sýytýyna baılanysty 85 adam qaza tapty. Olardyń basym bóligi soltústik bóliktegi Taoıýan ýezdi men Taıbee qalacynyń turǵyndary. Bul týraly TASS aqparat agenttigine silteme jasaǵan egemen.kz tilshisi habarlady.
Sońǵy on jyl ishinde bolmaǵan aıazdan araldyń taýly aımaqtarynda tolassyz qar jaýdy. Al Taıbee qalasynda jeksenbi kúni aýa temperatýrasy Selsıı baǵamy boıynsha 4 gradýs jylylyqty kórsetse de, turǵyndar úshin qaýipti bolyp esepteledi. Sońǵy 43 jyl ishinde mańaıda mundaı tómengi aýa kórsetkishi bolmaǵan.
Aýa raıynyń qolaısyzdyǵy Gonkong qalasyna da keri áserin tıgizýde. Birer kún burynǵy kórsetkish 3 Selsıı gradýs jylylyqty kórsetti. Mamandardyń aıtýynsha, Qytaıdyń ońtústigindegi sýbtropık aımaqqa jatatyn qalada 60 jyldan beri mundaı salqyndyq bolmaǵan. Osyǵan baılanysty 60-tan astam turǵyn aýrýhanalarǵa jatqyzyldy.
Aıan Ábdýálı.
Derek: TASS.
Sýret: slawyanka.info.