ATYRAÝ. 25 qańtar. «Atyraý» fýtbol klýby bıylǵy alǵashqy kelisimshartty fransııalyq qorǵaýshy Abdel Azız Lamanj Ngapýmen jasady. Bul týraly atalǵan klýbtyń baspasóz qyzmetine silteme jasaǵan egemen.kz tilshisi habarlady.
Strasbýrg qalasyndaǵy fýtbol mektebinen tálim alǵan qorǵaýshynyń jasy – 25-te. Onyń alǵash alańǵa shyqqan kásibı fýtbol klýby – «Grenobl» bolsa, keıin Reseıdiń «Shınnık» komandasynda 2011-2013 jyldary oınaǵan. Budan soń Volgogradtyń «Rotor» komandasyna aýysqanymen, «Shınnıkke» qaıta oralýǵa sheshim qabyldapty.
Endi ol ózi úshin tórtinshi komanda – «Atyraý» fýtbol klýbynyń namysyn qorǵaıtyn bolady.
Joldasbek Shópeǵul.
Derek, sýret: «Atyraý» fýtbol klýbynyń baspasóz qyzmeti.