ASTANA. 25 qańtar. Portýgalııa prezıdenti bolyp konservator Marselo Rebelo dı Soza saılandy. 24 qańtar, jeksenbi kúni ótken saılaýda ol 50 paıyzdan kóp daýys jınap, birinshi týrdyń ózinde qajetti kórsetkishke qol jetkizdi. Bul týraly Euronews telearnasyna silteme jasaǵan egemen.kz tilshisi habarlady.
Rebelo dı Sozaǵa Sosıal-demokratııalyq partııanyń ońshyl-sentrısteri qoldaý bildirdi. 1990 jyldary dı Soza atalǵan partııanyń jetekshisi boldy. Sondaı-aq, 67 jastaǵy Portýgalııanyń jańa prezıdenti buryn Lıssabon ýnıversıtetinde quqyq salasy boıynsha dáris oqyǵan. Al sońǵy jyldary ol Portýgalııa televızııasyndaǵy eń tanymal saıası sarapshylardyń biri boldy.
Saılaýda 22 paıyz daýys jıǵan Antonıo Sampaıo da Novoa ekinshi oryn aldy. Buryn Lıssabon ýnıversıtetiniń rektory bolǵan 61 jastaǵy saıasatkerdi Portýgalııanyń úsh birdeı burynǵy prezıdenti qoldaǵanyn atap ótken jón.
Úshinshi orynǵa eń jas úmitker, 39 jastaǵy Marıza Matıash taban tiredi.
Aıta keteıik, Portýgalııanyń jańa basshysy aldaǵy naýryz aıynyń sońynda qyzmetine kirisedi.
Elaman Qońyr.
Derek, sýret: Euronews.