ASTANA. 25 qańtar. 27 qańtar kúni «Shalqar» radıosy men «Alaý» muz aıdyny saraıynyń uıymdastyrýymen alǵash ret BAQ ókilderi arasynda konkımen júgirýden jarys ótedi. Bul týraly egemen.kz tilshisi habarlady.
Sporttyq shara Qazaqstan Respýblıkasy Táýelsizdiginiń 25 jyldyǵy, «Shalqar» radıosynyń 50 jyldyǵy jáne «Alaý» muz aıdyny saraıynyń 5 jyldyq mereıtoılaryna oraı uıymdastyrylyp otyr. Jarys «Alaý» muz aıdyny saraıynda saǵat 12:00-de bastalady. Jeńimpazdar qomaqty syılyqtarmen marapattalady.
Byltyr Astanada alǵash ret jýrnalıster arasynda «Qazkontent» AQ uıymdastyrýymen asyq atýdan jarys ótken bolatyn. Munyń aldynda Astanalyq saıabaqta shańǵydan saıys ótti. Sodan keıin «Dýman» oıyn-saýyq ortalyǵy boýlıngten týrnır ótkizdi. Qazir konkı tebýden jarys ótkizýdi qolyna qalam men mıkrofon ustaǵan áriptesterimizdiń barlyǵy qoldap otyr.
Dastan Kenjalın.
Derek: Qazaqstan Respýblıkasy Mádenıet jáne sport mınıstrligi, «Shalqar» radıosy.
Sýret: egemen.kz