ASTANA. 25 qańtar. Shýche qalasyndaǵy Qorǵanys mınıstrliginiń Kadet korpýsynda Qazaqstan Respýblıkasy Qarýly Kúshteri men AQSh arasyndaǵy 2016 jylǵa arnalǵan Áskerı qatynastar josparyna sáıkes kadetterdi oqytý ádistemesin jetildirý boıynsha semınar ótti. Bul týraly egemen.kz tilshisi habarlady.
Atalǵan semınar Qarýly Kúshterde alǵash ret ótkizilip otyr. Alda osyndaı is-sharalardy ótkizý kezinde zerdeleý men tájirıbe almasý úshin yqpaldastyqty keńeıtý josparlanýda.
AQSh Qarýly Kúshteri Qurlyq áskerleriniń serjant-maıorlar akademııasynyń serjant-nusqaýshylary jeke quramdy oqytý ádistemesi boıynsha oqytýshy jáne serjanttar quramymen jáne negizgi nusqaý berýshi qurammen sabaq ótkizdi.
Semınarda Kadet korpýsynyń 25 oqytýshysy men serjanty sabaqty daıarlaý, toppen jumys isteý, jospar-konspektini ázirleý, óz betinshe jumys jasaý jáne dáris alýshylardy baǵalaýdy uıymdastyrý ádistemelerin pysyqtady.
Esterińizge sala ketsek, Sh.Ýálıhanov atyndaǵy Qorǵanys mınıstrliginiń Kadet korpýsy QR Qarýly Kúshteriniń serjanttar quramy laýazymdarynda kelisimshart boıynsha áskerı qyzmet atqaryp júrgen kishi komandalyq quramǵa bastapqy áskerı bilim baǵdarlamasy boıynsha daıarlyqty júzege asyrady. 2015 jyly oqýdy eń kóp serjant, ıaǵnı 214 adam bitirdi. Barlyq kezeńde «Áskerı basqarý» mamandyǵy boıynsha 2 224 serjant bitirip shyqty. Olardyń ishinde oqýdy 2012 jyly – 206, 2013 jyly – 206, jáne 2014 jyly 181 serjant aıaqtady.
Jyl saıyn Qazaqstannyń armııasy kásibı kelisimshart áskerı qyzmetshilerimen tolyǵyp jatyr.
2015 jyly áskerı qyzmetke kelisimshart boıynsha qabyldanǵan áskerılerdiń sapasy artty.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.